٣٤٨٤: نافع نے ابن عمر (رض) سے نقل کیا کہ عمر بن خطاب (رض) نے ذوالحلیفہ میں خوشبو کی مہک محسوس کی آپ نے فرمایا یہ پاکیزہ خوشبو کدھر سے آرہی ہے تو معاویہ کہنے لگے مجھ سے آرہی ہے تو عمر کہنے لگے میری عمر کی قسم تجھ سے ‘ تجھ سے۔ تو معاویہ کہنے لگے۔ اے امیرالمؤمنین (رض) ! جلدی مت کرو۔ ام حبیبہ (رض) امّ المؤمنین نے مجھے خوشبو لگائی ہے اور مجھے قسم دی ہے عمر (رض) نے کہا میں تمہیں قسم دیتا ہوں کہ تم ضرور واپس لوٹ کر انہی کے ہاں اس کو دھو کر آؤ جناب معاویہ ان کے پاس لوٹ کر گئے اور اس کو دھو کر پھر لوگوں سے راستہ میں آ ملے۔