٣٥٨١: شعبہ ابو حمزہ سے بیان کرتے ہیں کہ میں نے حج تمتع کا ارادہ کیا تو مجھے کچھ لوگوں نے روکا تو میں نے ابن عباس (رض) سے اس سلسلہ میں سوال کیا تو انھوں نے مجھے تمتع کرنے کا حکم فرمایا پس میں نے تمتع کیا اور مجھے نیند آگئی تو مجھے خواب آیا تو کسی کہنے والے نے آواز دی۔ تمہارا عمرہ مقبول اور حج حج مبرور کی بشارت ہو۔ اس کے بعد بیدار ہو کر میں ابن عباس (رض) کی خدمت میں آیا اور ان کو اس کی اطلاع دی تو کہنے لگے اللہ اکبر یہ جناب ابوالقاسم یا جناب رسول اللہ (صلی اللہ علیہ وآلہ وسلم) کی سنت ہے۔