٣٥٨٢: زہری نے سالم سے روایت کی ہے کہ میں ابن عمر (رض) کے ساتھ مسجد میں بیٹھا تھا جبکہ ان کے پاس ایک شامی آدمی آیا اور ان سے حج تمتع کے متعلق سوال کیا تو ابن عمر (رض) نے فرمایا۔ بہت خوب اور عمدہ ہے اس نے کہا تمہارے والد تو اس سے منع کرتے تھے۔ تو انھوں نے کہا تم پر افسوس ! اگر بالفرض میرے والد نے منع کیا ہو اور ادھر جناب رسول اللہ (صلی اللہ علیہ وآلہ وسلم) نے اس کو کیا ہو تو تو کس کی بات کو لے گا۔ اس نے کہا جناب رسول اللہ (صلی اللہ علیہ وآلہ وسلم) کے حکم کو اختیار کروں گا اس پر ابن عمر (رض) نے فرمایا بس یہاں سے چلے جاؤ!
تخریج : ترمذی فی الحج باب ١٢۔