٣٦٤٨: سلیمان یشکری نے جابر بن عبداللہ سے روایت کی ہے۔ اگر میں حج وعمرہ کا احرام باندھوں اور ان کے لیے میں ایک طواف کروں تو میں ضرور سیدھی راہ پانے والا ہوں۔ امام طحاوی (رح) فرماتے ہیں کہ جن صحابہ کرام (رض) کا ہم نے تذکرہ کیا انھوں نے آیت : { فمن تمتع بالعمرہ۔۔۔} کی تاویل و تفسیر حضرت ابن زبیر (رض) کی تفسیر سے مختلف کی ہے ہمارے ہاں یہ تاویل اس سے بدرجہ اولیٰ ہے ( واللہ اعلم) کیونکہ خود آیت کریمہ میں ہی تفسیر ابن زبیر (رض) کے درست نہ ہونے کی دلیل موجود ہے۔ کیونکہ اللہ تعالیٰ نے ارشاد فرمایا کہ جو شخص حج کے ساتھ عمرہ کا فائدہ اٹھائے وہ جو جانور میسر ہو وہ لے جائے اور جس کو میسر نہ ہو وہ ایام حج میں تین دن کے روزے رکھے اور وہ روزے حج کے فوت ہونے کے بعد نہیں بلکہ پہلے رکھے جاتے ہیں پھر ارشاد فرمایا کہ سات روزے گھر لوٹ کر رکھو یہ کل دس مکمل ہوئے یہ اس شخص کے لیے اجازت ہے جس کا گھر مسجد حرام کے پاس نہ ہو۔ تو اللہ تعالیٰ تمتع اور اس کے کرنے والے پر جو چیز لازم ہوتی ہے اس کو ان لوگوں کے لیے مقرر فرمایا جو مکہ مکرمہ کے رہائشی نہ ہوں اور امت کا اس بات پر اجماع ہے کہ مکی اور غیر مکی سے اگر حج فوت ہوجائے تو ان کا ایک ہی حکم ہے۔ مسجد حرام سے قرب کی بناء پر اس کا حکم اس حکم کے خلاف نہ ہوگا جو مسجد حرام سے دور رہنے کی وجہ سے ہوتا ہے۔ پس اس سے ثابت ہوا کہ اس آیت کریمہ میں جس تمتع کا تذکرہ ہے۔ یہ وہی ہے جس میں حرم اور غیر اہل حرم سے مختلف ہے۔ اور یہ حج کے ساتھ عمرہ ملا کر کرنے والا تمتع ہے جس کو فریق معترض مکروہ قرار دیتے ہیں روایت ابن عباس ذیل میں ملاحظہ ہو۔
حاصل روایات : ان تمام اصحاب کرام نے فَمَنْ تَمَتَّعَ بِالْعُمْرَۃِ إِلَی الْحَجِّ کی تفسیر وہی قرار دی جو اس کے الفاظ کے قریب تر ہے کہ اس سے حج تمتع ہی مراد ہے یہ دونوں میں اعلیٰ تاویل ہے جو سیاق آیت کے مطابق ہے۔ کیونکہ تمتع کرنے والے کو ہدی نہ ہونے کی صورت میں حج کے دنوں میں تین روزے اور گھر آ کر سات روزے رکھنے کا حکم ہے اور حج کو فوت ہونے کی صورت میں تو یہ ممکن ہی نہیں رہتا۔ دوسرا تمتع کی اجازت باہر والے شخص کو دی گئی۔ مسجد حرام کے رہنے والے کو نہیں دی گئی۔
اور پوری امت کا اس بات پر اجماع ہے کہ جس سے حج فوت ہوجائے خواہ وہ حرم مکہ کا مقیم ہو یا باہر سے آنے والا مسافر ہو دونوں کا حکم یکساں ہے۔ دونوں کے حکم میں کوئی فرق نہیں۔ اگلے سال ان کو حج کرنا ہوگا۔ اور اس آیت میں تمتع کا حق صرف ان کو دیا گیا جو باہر سے آنے والے ہوں مسجد حرام کے پاس ہونے والے مراد نہیں اور یہ صورت حج تمتع میں ہوسکتی ہے جس کو اکابر صحابہ کرام نے بیان کیا۔ ابن زبیر (رض) کی بیان کردہ تاویل میں ممکن نہیں۔
ایّام حج میں عمرہ کرنے کی وجہ :
اہل جاہلیت محرم کو صفر قرار دیتے اور کہتے اذا برأ الدبر و عفا الاثرو انسلخ صفر۔ حلت العمرۃ لمن اعتمر “ جب سواری کا زخم درست ہوجائے اور نشان مٹ جائے صفر گزر جائے تو تب عمرہ حلال ہے۔ حج کے مہینوں میں عمرے کو بڑا گناہ قرار دیتے جیسا کہ روایت ابن عباس (رض) میں ہے۔