٣٧٢٦: عیسیٰ بن طلحہ نے عمیر بن سلمہ ضمیری (رض) سے روایت کی ہے کہ اسی دوران کہ ہم جناب رسول اللہ (صلی اللہ علیہ وآلہ وسلم) کے ساتھ روحاء کے میدان میں جا رہے تھے اس وقت آپ (صلی اللہ علیہ وآلہ وسلم) احرام سے تھے۔ اچانک آپ کی نگاہ ایک وحشی گدھے پر پڑی جس کی کھونچیں کٹی ہوئیں تھیں۔ تو جناب رسول اللہ (صلی اللہ علیہ وآلہ وسلم) نے فرمایا اس کو اسی حال میں چھوڑ دو شاید اس کا مالک شکاری آجائے۔ اچانک ایک بہزی آدمی آ نکلا اسی نے اس کی کھونچیں کاٹی تھیں۔ اس نے کہا یارسول اللہ (صلی اللہ علیہ وآلہ وسلم) یہ حمار وحشی آپ کو ہدیہ ہے۔ پس جناب رسول اللہ (صلی اللہ علیہ وآلہ وسلم) نے ابوبکر (رض) کو حکم دیا تو انھوں نے لوگوں میں تقسیم کردیا۔ پھر انھوں نے اسی طرح روایت کی ہے جیسا کہ یزید بن ہارون سے یزید نے روایت کی ہے۔
تخریج : ٣٧٢٥ کی تخریج ملاحظہ ہو۔