٣٧٣١: نافع مولیٰ ابو قتادہ نے ابو قتادہ بن ربعی (رض) سے روایت کی ہے کہ میں جناب رسول اللہ (صلی اللہ علیہ وآلہ وسلم) کے ساتھ تھا مکہ کے کسی راستہ میں وہ اپنے محرم ساتھیوں کے ساتھ پیچھے رہ گئے۔ یہ غیر محرم تھے چنانچہ انھوں نے ایک حمار وحشی دیکھا اور اپنے گھوڑے پر سوار ہوئے پھر اپنے ساتھیوں سے کہا کہ وہ ان کو ان کا کوڑا پکڑا دیں انھوں نے انکار کردیا پھر اپنے نیزے کے متعلق سوال کیا انھوں نے اس سے بھی انکار کردیا۔ انھوں نے اپنا نیزہ اور کوڑا خود لے کر شکار پر حملہ کیا اور اس کو قتل کردیا۔ اس شکار میں سے بعض نے کھایا اور بعض نے انکار کردیا جب یہ حضرات جناب رسول اللہ (صلی اللہ علیہ وآلہ وسلم) کو جا ملے تو آپ (صلی اللہ علیہ وآلہ وسلم) سے اس کے متعلق دریافت کیا آپ نے فرمایا وہ تو تمہارا لقمہ ہے جو اللہ تعالیٰ نے تمہیں کھلایا ہے۔
تخریج : بخاری فی الجہاد باب ٨٨‘ والذبائح باب ١٠؍١١‘ مسلم فی الحج ٥٧‘ ابو داؤد فی المناسک باب ٤٠‘ ترمذی فی الحج باب ٢٥‘ نسائی فی المناسک باب ٧٨‘ دارمی فی الفرائض باب ٢١‘ مالک فی الحج ٧٦‘ مسند احمد ٥؍٣٠١۔