٣٧٣٧: اسود سے روایت ہے کہ کعب (رض) نے عمر (رض) سے اس شکار کے متعلق پوچھا جس کو حلال ذبح کرے اور محرم اس کو کھائے یا نہیں تو آپ نے فرمایا اگر تم اس کو چھوڑ دو گے تو میں سمجھوں گا کہ تم میں کچھ سمجھ بوجھ نہیں۔ اس قول کے مخالف حضرات نے حضرت علی (رض) والی اس روایت سے استدلال کیا ہے۔
ایک اشکال :
حرم علیکم صیدالبر مادمتم حرمًا (المائدہ۔ ٩٦) حضرت علی (رض) نے شکار اور اس کے گوشت کو محرم کے لیے حرام قرار دینے میں اس آیت سے استدلال کیا تو اب آیت کے مطلق حکم کو احادیث سے کیوں کر مقید کیا جاسکتا ہے۔ تفصیلی روایت پہلے بھی گزری دوبارہ درج کی جا رہی ہے۔