٣٧٧٩: عبداللہ بن محمد بن ابی بکر (رض) کہتے ہیں کہ عبداللہ بن عمر (رض) نے عائشہ صدیقہ (رض) سے خبر دی ہے کہ جناب نبی اکرم (صلی اللہ علیہ وآلہ وسلم) نے ارشاد فرمایا کیا تو نہیں دیکھتی کہ جب تمہاری قوم قریش نے کعبہ تعمیر کیا تو انھوں نے ابراہیم (علیہ السلام) کی بنیادوں سے اسے کم کردیا۔ عائشہ صدیقہ (رض) کہتی ہیں کہ میں نے کہا یارسول اللہ (صلی اللہ علیہ وآلہ وسلم) ! کیا ہم اس کو ابراہیم (علیہ السلام) کی بنیادوں پر نہ لوٹا دیں ؟ آپ نے فرمایا۔ اگر وہ (قریش) نئے نئے مسلمان نہ ہوئے اور ان کا کفر والا زمانہ قریب نہ ہوتا (تو میں ایسا کردیتا) اس پر عبداللہ بن عمر (رض) کہنے لگے اگر عائشہ صدیقہ (رض) نے یہ بات جناب رسول اللہ (صلی اللہ علیہ وآلہ وسلم) سے سن رکھی ہے تو میرا خیال یہ ہے کہ حطیم کے قریب والے ارکان کا استلام جناب رسول اللہ (صلی اللہ علیہ وآلہ وسلم) نے اسی وجہ سے ترک فرمایا کیونکہ بیت اللہ شریف ابراہیم (علیہ السلام) کی بنیادوں پر نہیں (اور یہ رکن اپنے مقام پر نہیں ہیں پس قابل استلام نہیں) ۔ ان آثار سے یہ بات ثابت ہوئی کہ بیت اللہ کے ارکان میں سے صرف دو یمانی ارکان کا استلام ہے۔ یہ امام ابوحنیفہ ‘ ابو یوسف ‘ محمد رحمہم اللہ کا قول ہے۔ پس آثار سے یہ بات ثابت ہوئی کہ صرف ارکان یمانیہ کا استلام کیا جائے گا۔
یہی امام ابوحنیفہ ‘ ابو یوسف ‘ محمد رحمہم اللہ اور تمام فقہاء کا قول ہے۔
نوٹ : اس باب کا اختلاف بھی جائز ناجائز کا ہے ارکان یمانیہ کے سوا دوسرے ارکان کا استلام جائز نہیں ہے۔