٣٧٩٢: ابن ابی ملیکہ کہتے ہیں کہ عروہ نے ابن عباس (رض) سے کہا اے ابن عباس (رض) ! تم نے لوگوں کو گمراہ کردیا انھوں نے کہا اے عریۃ وہ کیا ہے ؟ عروہ نے کہا تم لوگوں کو فتویٰ دیتے ہو کہ جب وہ بیت اللہ کا طواف کرلیں تو حلال ہوجائیں گے حالانکہ ابوبکر و عمر (رض) حج کا تلبیہ کہتے ہوئے ائے اور یوم نحر تک احرام میں رہتے ابن عباس (رض) کہنے لگے اس سے تو تم گمراہ ہوئے میں تمہیں رسول اللہ (صلی اللہ علیہ وآلہ وسلم) کی بات کرتا ہوں اور تم مجھے ابوبکر و عمر ] کی بات کرتے ہو۔
عروہ کہنے لگے ابوبکر و عمر ] کو تم سے زیادہ جناب رسول اللہ (صلی اللہ علیہ وآلہ وسلم) کے متعلق واقفیت تھی۔
تخریج : بخاری فی الحج باب ٣٤۔