٣٧٩٧: جعفر بن محمد نے اپنے والد سے نقل کیا کہ ہم جابر بن عبداللہ (رض) کے ہاں گئے اور ان سے جناب رسول اللہ (صلی اللہ علیہ وآلہ وسلم) کے حج کے سلسلہ میں پوچھا تو کہنے لگے جناب رسول اللہ (صلی اللہ علیہ وآلہ وسلم) نو سال مدینہ منورہ میں ٹھہرے اور آپ نے حج نہیں کیا۔ پھر دسویں سال آپ (صلی اللہ علیہ وآلہ وسلم) نے لوگوں میں حج کا اعلان کردیا کہ میں حج کو جا رہا ہوں یہ خبر سن کر بہت سے لوگ مدینہ منورہ پہنچے ان کی طلب یہ تھی کہ جناب نبی اکرم (صلی اللہ علیہ وآلہ وسلم) کی راہنمائی میں حج کریں چنانچہ ہم نکلے یہاں تک کہ ذوالحلیفہ میں پہنچے۔ جناب رسول اللہ (صلی اللہ علیہ وآلہ وسلم) نے مسجد میں نماز ادا فرمائی۔ پھر آپ قصواء پر سوار ہوئے یہاں تک کہ آپ (صلی اللہ علیہ وآلہ وسلم) جب مقام بیداء پر بلند ہوئے اور رسول اللہ (صلی اللہ علیہ وآلہ وسلم) ہمارے درمیان تھے اور ان پر قرآن مجید اترتا تھا اور آپ (صلی اللہ علیہ وآلہ وسلم) اس کی تفسیر جانتے تھے جس پر آپ (صلی اللہ علیہ وآلہ وسلم) نے عمل کیا ہم نے اس پر عمل کیا آپ (صلی اللہ علیہ وآلہ وسلم) نے اکیلا احرام باندھا اور لوگوں نے یہی احرام باندھا جناب رسول اللہ (صلی اللہ علیہ وآلہ وسلم) نے ان کی کسی چیز کی تردید نہیں فرمائی آپ (صلی اللہ علیہ وآلہ وسلم) نے تلبیہ لازم کرلیا۔ جابر (رض) کہتے ہیں کہ ہم صرف حج کی نیت کرنے والے تھے ہم عمرہ کو نہ جانتے تھے یہاں تک کہ جب ہم نے مروہ کا آخری چکر لگایا تو آپ (صلی اللہ علیہ وآلہ وسلم) نے فرمایا اگر مجھے اپنی اس بات کا پہلے علم ہوتا جو بعد کو معلوم ہوا تو میں ہدی ساتھ نہ لاتا اور میں اس کو عمرہ بنا لیتا پس جس کے ساتھ ہدی موجود نہیں وہ حلال ہوجائے اور اس کو عمرہ بنا لے پھر لوگوں نے احرام کھول لیے اور قصر کرلیا سوائے جناب رسول اللہ (صلی اللہ علیہ وآلہ وسلم) اور ان لوگوں کے جن کے ساتھ ہدی موجود تھے۔ امام طحاوی (رح) فرماتے ہیں۔ حضرت سراقہ (رض) کا جناب اکرم (صلی اللہ علیہ وآلہ وسلم) سے سوال اور جناب رسول اللہ (صلی اللہ علیہ وآلہ وسلم) کا ان کو جواب یک یہ احتمال رکھتا ہے کہ ہمارا یہ عمرہ حج کے مہینوں میں ہمیشہ کے لیے ہو یا ہمارے اسی سال کے لیے ہو ۔ کیونکہ وہ لوگ حج کے مہینوں میں عمرے کو درست قرار نہ دیتے تھے بلکہ اس کو افجر الفجرر قرار دیتے تھے ۔ تو جناب رسول اللہ (صلی اللہ علیہ وآلہ وسلم) سے اس کو جواب دیا کہ یہ ہمیشہ کے لیے اشہر حج میں ہے۔
اس وقت سراقہ بن مالک بن جعشم (رض) نے کھڑے ہو کر کہا یارسول اللہ (صلی اللہ علیہ وآلہ وسلم) ! ہمارا یہ عمرہ فقط ہمارے اسی سال کے لیے ہے یا ہمیشہ کے لئے۔ اس پر جناب رسول اللہ (صلی اللہ علیہ وآلہ وسلم) نے اپنی انگلیوں کو انگلیوں میں ڈالا اور فرمایا عمرہ حج میں اس طرح داخل ہوچکا۔ یہ بات دو مرتبہ فرمائی پس تمام لوگوں نے احرام کھول دیئے اور قصر کرا لیے سوائے نبی اکرم (صلی اللہ علیہ وآلہ وسلم) کے اور وہ جن کے پاس ہدی کے جانور موجود تھے۔
تخریج : مسلم فی الحج ١٤٧‘ ابو داؤد فی المناسک باب ٢٣۔
طحاوی (رح) کا قول :
سراقہ کا سوال اور جناب رسول اللہ (صلی اللہ علیہ وآلہ وسلم) کا جواب اس بات کا احتمال رکھتا ہے کہ اس سے مراد یہ ہو کہ ہمارا یہ عمرہ ہمیشہ کے لیے یا صرف ہمارے اس سال کے لیے حج میں داخل ہوا ہے۔ آپ (صلی اللہ علیہ وآلہ وسلم) نے فرمایا ہمیشہ کے لئے۔ کیونکہ وہ لوگ عمرے کو حج کے مہینوں میں گناہ کا کام سمجھتے تھے۔ آپ (صلی اللہ علیہ وآلہ وسلم) نے اس کی مذمت فرمائی۔