٣٨٠٠: عطاء نے جابر (رض) سے روایت کی کہ ہم جناب رسول اللہ (صلی اللہ علیہ وآلہ وسلم) کے ساتھ مکہ آئے یہ ٤ ذی الحجہ تھی آپ (صلی اللہ علیہ وآلہ وسلم) نے ہمیں حلال ہونے کا حکم دیا ہم نے کہا کیسا حلال ہوں ؟ آپ نے فرمایا مکمل طور پر حلال ہوجاؤ۔ اگر مجھے اس معاملے کا پہلے علم ہوتا جو بعد میں معلوم ہوا تو میں اسی طرح کرتا جیسا تم کرنے والے ہو۔
تخریج : بخاری فی الحج باب ٣٤‘ مسلم فی الحج ١٣٦؍١٣٨‘ ابو داؤد فی المناسک باب ٢٣‘ نسائی فی الحج باب ٥٨؍٧٧‘ مسند احمد ٣؍٢٩٢۔