٣٨٠١: عطاء نے جابر (رض) سے روایت کی ہے کہ جب ہم جناب رسول اللہ (صلی اللہ علیہ وآلہ وسلم) کے ساتھ حجۃ الوداع میں مکہ پہنچے تو لوگوں سے سوال کیا تم نے کیا احرام باندھا ؟ کچھ لوگوں نے کہا ہم نے حج کا احرام باندھا ہے دوسروں نے کہا ہم نے تمتع کا ارادہ کیا اور کچھ لوگوں نے کہا ہم نے وہی احرام باندھا جو آپ (صلی اللہ علیہ وآلہ وسلم) نے باندھا ہے۔ آپ نے ان سے فرمایا جو حج کے لیے آیا اور اس نے ہدی روانہ نہیں کی وہ حلال ہوجائے میں اگر اپنے معاملے کو پہلے جانتا ہوتا جو مجھے بعد میں معلوم ہوا تو میں بھی ہدی روانہ نہ کرتا یہاں تک کہ میں حلال ہوجاتا اس پر سراقہ بن مالک نے کہا یارسول اللہ (صلی اللہ علیہ وآلہ وسلم) کیا ہمارا یہ عمرہ ہمارے اسی سال کے لیے ہے یا ہمیشہ کے لیے (حج کے ساتھ ہے) آپ (صلی اللہ علیہ وآلہ وسلم) نے فرمایا بلکہ ہمیشہ ہمیشہ کے لئے۔
تخریج : مسلم فی الحج ١٤١۔