٣٨٢٢: ابو نضرہ کا بیان ہے کہ میں نے ابو سعید خدری (رض) کو فرماتے سنا کہ عمر (رض) خطبہ دینے کھڑے ہوئے جبکہ وہ خلافت پر متمکن ہوئے تو انھوں نے فرمایا بلاشبہ اللہ تعالیٰ نے اپنے پیغمبر (صلی اللہ علیہ وآلہ وسلم) کے لیے جو چاہی رخصت عنایت فرمائی۔ سنو ! خبردار۔ اب جناب رسول اللہ (صلی اللہ علیہ وآلہ وسلم) دنیا سے رخصت ہوگئے۔ تم ان عورتوں کی عزت کی حفاظت کرو اور اپنے حج وعمرہ کو اسی طرح پورا کرو جس طرح تمہیں حکم دیا گیا ہے۔