٣٨٣٣: ابن شہاب نے کہا کہ مجھے سالم نے بتلایا کہ عبداللہ بن عمر (رض) نے فرمایا کہ جناب رسول اللہ (صلی اللہ علیہ وآلہ وسلم) نے تمتع کیا یعنی حجۃ الوداع میں عمرہ کے ساتھ حج کو ملایا اور ذوالحلیفہ سے ہدی روانہ کی۔ جناب رسول اللہ (صلی اللہ علیہ وآلہ وسلم) نے عمرے کے تلبیہ سے ابتداء کی پھر حج کا احرام باندھا اور لوگوں نے بھی جناب رسول اللہ (صلی اللہ علیہ وآلہ وسلم) کے ساتھ عمرے کے ساتھ حج کو ملایا۔ یہ ابن عمر (رض) جناب رسول اللہ (صلی اللہ علیہ وآلہ وسلم) سے خبر دے رہے ہیں کہ آپ حجۃ الوادع میں تمتع کرنے والے تھے اور آپ نے ابتداء میں عمرہ کا احرام باندھا۔
حاصل روایت : یہ ابن عمر (رض) خبر دے رہے ہیں کہ جناب رسول اللہ (صلی اللہ علیہ وآلہ وسلم) حجۃ الوداع میں متمتع تھے اور آپ (صلی اللہ علیہ وآلہ وسلم) نے ابتداء عمرے کے احرام سے کی۔
تخریج : ابو داؤد فی المناسک باب ٢٤۔