٣٨٤٠: ابوالزبیر نے جابر بن عبداللہ (رض) سے روایت کی ہے کہ جناب رسول اللہ (صلی اللہ علیہ وآلہ وسلم) عائشہ (رض) کے پاس آئے تو وہ رو رہی تھیں آپ (صلی اللہ علیہ وآلہ وسلم) نے فرمایا تم کیوں رو رہی ہو ؟ کہنے لگیں میں اس لیے رو رہی ہوں کہ لوگوں نے احرام کھول دیئے اور میں نے احرام نہیں کھولا۔ انھوں نے بیت اللہ کا طواف کیا اور میں نے طواف نہیں کیا۔ اور یہ حج کا موقعہ سر پر ہے آپ (صلی اللہ علیہ وآلہ وسلم) نے فرمایا یہ معاملہ اللہ تعالیٰ کی طرف سے ہے جو بنات آدم کو لازم ہے۔ تم غسل کر کے حج کا احرام باندھ لو۔ پھر حج کرو اور جو حجاج عمل انجام دیتے ہیں تم بھی کرتی رہو۔ بس کہ تم بیت اللہ کا طواف نہ کرنا اور نہ نماز پڑھنا۔ عائشہ صدیقہ (رض) کہتی ہیں میں نے اسی طرح کیا جب میں پاک ہوگئی تو آپ نے فرمایا تم بیت اللہ کا طواف اور سعی کرلو پھر تم اپنے حج وعمرہ سے حلال ہوچکی میں نے کہا یارسول اللہ (صلی اللہ علیہ وآلہ وسلم) میں اپنے دل میں اپنے عمرے کے متعلق تکلیف محسوس کرتی ہوں اس لیے کہ میں نے حج تک طواف نہ کیا تھا۔ (پھر آپ نے عبدالرحمن کو حکم فرمایا اس نے تنعیم کے مقام سے عمرہ کرایا۔
تخریج : بخاری فی الحیض باب ١‘ ٧‘ الحج باب ٨١‘ مسلم فی الحج ١١٩؍١٢٠‘ ابو داؤد فی المناسک باب ٢٣‘ نسائی فی الطہارۃ باب ١٨٢‘ المناسک باب ٥١‘ والحیض باب ١‘ ابن ماجہ فی المناسک باب ٣٦‘ دارمی فی المناسک باب ٣١‘ مالک فی الحج ٢٢٤‘ مسند احمد ٦؍٣٩‘ ٢١٩‘ ٢٧٣۔