٣٨٤٦: عبدالرحمن بن قاسم نے اپنے والد سے انھوں نے عائشہ (رض) سے روایت کی ہے کہ ہم جناب رسول اللہ (صلی اللہ علیہ وآلہ وسلم) کے ساتھ نکلے اور ہم حج ہی کا تذکرہ کرنے والے تھے جب ہم مقام سرف میں پہنچے تو مجھے حیض آنے لگا پس جناب رسول اللہ (صلی اللہ علیہ وآلہ وسلم) تشریف لائے تو میں رو رہی تھی۔ آپ نے پوچھا کیوں روتی ہو میں نے کہا میں تو خواہش رکھتی ہوں کاش کہ میں اس سال حج نہ کرتی یا اس سال حج کے لیے نہ نکلتی آپ نے فرمایا شاید تمہیں ایام آگئے ؟ میں نے کہا جی ہاں۔ فرمایا یہ بات اللہ تعالیٰ کی طرف سے بنات آدم کی مجبوری ہے۔ تم وہی کرو جو حجاج کرتے ہیں البتہ بیت اللہ کا طواف نہ کرنا عائشہ صدیقہ کہتی ہیں جب ہم مکہ پہنچ گئے تو جناب رسول اللہ (صلی اللہ علیہ وآلہ وسلم) نے اپنے اصحاب کو فرمایا اس کو عمرہ بنا لو تو سب لوگوں نے احرام کھول دیا سوائے ان لوگوں کے جن کے ساتھ ہدی تھی اور آپ (صلی اللہ علیہ وآلہ وسلم) کے ساتھ بھی ہدی کے جانور تھے اسی طرح ابوبکر و عمر ‘ عثمان ] اور صاحب وسعت اصحاب ] کے پاس بھی پھر انھوں نے حج کا احرام باندھا جب یوم نحر آیا میں نے غسل طہارت کیا تو جناب رسول اللہ (صلی اللہ علیہ وآلہ وسلم) نے مجھے مکہ بھیجا میں نے طواف زیارت کیا تو گائے کا گوشت لایا گیا میں نے کہا یہ کیا ہے ؟ انھوں نے کہا جناب رسول اللہ (صلی اللہ علیہ وآلہ وسلم) نے اپنی بیویوں کی طرف سے گائے کی ہدی دی ہے جب واپسی کی رات آئی میں نے عرض کی یارسول اللہ (صلی اللہ علیہ وآلہ وسلم) لوگ حج وعمرہ کے ساتھ لوٹیں گے اور میں صرف حج کے ساتھ لوٹوں گی تو آپ (صلی اللہ علیہ وآلہ وسلم) نے عبدالرحمن بن ابی بکر (رض) کو حکم فرمایا انھوں نے مجھے اپنے پیچھے بٹھایا مجھے اچھی طرح یاد پڑتا ہے کہ میں سانس لیتی تو وہ میرا چہرہ کجاوے کی پچھلی جانب مارتے۔ (مراد تیز رفتاری سے سواری کو چلانا ہے) یہاں تک کہ ہم تنعیم میں آئے پس میں نے عمرے کا احرام باندھا یہ اس عمرے کی جگہ تھا جو لوگوں نے عمرہ کیا تھا یہ روایت پہلی روایت کی طرح ہے۔
تخریج : بخاری فی الحیض باب ٧‘ مسلم فی الحج ١٢٠‘ دارمی فی المناسک باب ٨٢‘ مسند احمد ٦؍٢٧٣۔
عروہ نے عائشہ صدیقہ (رض) سے یہ روایت اور زیادہ وضاحت سے بیان کی ہے۔ روایت عروہ یہ ہے۔