٣٨٨٩: سالم نے عبداللہ بن عمر (رض) سے روایت کی ہے کہ وہ اپنے اہل میں عورتوں اور بچوں کو پہلے بھیج دیتے کہ وہ مشعر حرام و مزدلفہ میں وقوف کرتے اور اللہ تعالیٰ کا تھوڑی دیر ذکر کرتے پھر امام حج کے وقوف سے پہلے منیٰ کو روانہ ہوجاتے اور اس کے چلنے سے پہلے جاتے۔ ان میں بعض تو نماز فجر کے وقت منیٰ پہنچ جاتے اور بعض اس سے کچھ دیر بعد اور جب وہ آجاتے اسی وقت جمرہ کی رمی کرلیتے۔ اور ابن عمر (رض) فرماتے کہ ان کو رسول اللہ (صلی اللہ علیہ وآلہ وسلم) نے رخصت دی ہے۔ قول اول کے قائلین کے خلاف دوسرے قول والوں کی دلیل یہ ہے۔ کہ روایت ابن عمر (رض) میں یہ بات قطعا مذکور نہیں کہ جناب رسول اللہ (صلی اللہ علیہ وآلہ وسلم) نے ان کو جمرو عقبہ کی کنکریاں مارنے کی رخصت دی۔ عین ممکن ہے کہ جناب رسول اللہ (صلی اللہ علیہ وآلہ وسلم) نے ان کو صرف مزدلفہ سے رات کے جانے کی اجازت دی ہو۔ انھوں نے اس سلسلہ میں ذیل کی روایت سے استدلال کیا ہے۔
بخاری فی الحج باب ٩٨‘ مسلم فی الحج مسلم فی الحج ٣٠٤‘ ترمذی فی الحج باب ٥٨‘ مسند احمد ١؍٣٢٦۔
u: اس میں رخصت کی وضاحت نہیں کہ اسے سے کیا مراد ہے منیٰ رات کو آنے یا رمی جمرہ عقبہ کی۔ یہ عین ممکن ہے کہ اس سے مزدلفہ سے پہلے منیٰ آنے کی رخصت مراد ہو۔ (ویسے سیاق روایت سے رمی جمرہ ہی مراد معلوم ہوتی ہے)