٣٩١٥: عبداللہ بن عبداللہ نے عبداللہ بن عمر (رض) سے روایت کی ہے کہ ہم جناب رسول اللہ (صلی اللہ علیہ وآلہ وسلم) کی معیت میں عرفہ کی صبح کے وقت موجود تھے۔ ہم میں بعض لاالہ الا اللہ اور بعض اللہ اکبر پڑھنے والے تھے البتہ ہم تکبیر کہتے تھے جبکہ ہم جناب رسول اللہ (صلی اللہ علیہ وآلہ وسلم) کے ساتھ تھے۔ راوی کہتے ہیں میں نے ان سے کہا تم پر تعجب ہے کہ تم نے یہ کیوں نہ پوچھا کہ جناب رسول اللہ (صلی اللہ علیہ وآلہ وسلم) کیا کر رہے تھے۔
تخریج : مسند احمد ٢؍٣٠‘ ١٤٧۔