٣٩٣٥: عبدالرحمن بن اسود کہتے ہیں کہ میں نے اسود کے ساتھ حج کیا جب عرفہ کا دن آیا اور ابن زبیر (رض) نے عرفات میں خطبہ دیا جب اسود نے ان سے تلبیہ نہ سنا تو اسود ان کی طرف گئے اور کہنے لگے تلبیہ کیوں نہیں کہتے ؟ تو انھوں نے کہا کیا آدمی اس مقام پر بھی تلبیہ کہے گا ؟ تو اسود کہنے لگے جی ہاں۔ میں نے عمر بن خطاب (رض) کو اس مقام پر تلبیہ کہتے سنا پھر وہ مؤقف سے لوٹنے تک تلبیہ کہتے رہتے۔ یہ بات سن کر ابن زبیر تلبیہ پڑھنے لگے۔