٤٠٠٦: سالم نے اپنے والد سے بیان کیا کہ جناب رسول اللہ (صلی اللہ علیہ وآلہ وسلم) نے فرمایا اگر متمتع ہدی نہ پائے اور عشرہ ذی الحجہ میں روزے بھی نہ رکھے تو ایام تشریق میں روزے رکھ لے۔
حاصل روایت : جس کو دم شکر میسر نہ ہو اور اس نے عشرہ ذی الحجہ میں تین روزے بھی نہ رکھے ہوں تو ایام تشریق میں وہ روزے رکھ سکتا ہے یا اس پر دم ہی ضروری ہوگا۔ امام مالک و احمد و شافعی رحمہم اللہ کے ہاں اگر دم شکر نہ پانے کی وجہ سے عشرہ ذی الحجہ میں تین روزے نہیں رکھے وہ امیر غریب ایام تشریق میں روزے رکھ سکتا ہے اور اگر وہ بھی گزر گئے تو امیر پر دم لازم ہوگا اور غریب بعد میں بھی رکھ سکتا ہے۔
نمبر 2: دم شکر کے روزے اگر عشرہ ذی الحجہ میں نہیں رکھے تو ایام تشریق میں نہیں رکھ سکتا تو حلق سے پہلے قربانی لازم اگر وہ بھی نہیں کی تو اس پر دو دم لازم ہوں گے ایک دم جرمانہ دوسرا دم شکرانہ۔ یہ ائمہ احناف کا قول ہے۔
فریق اوّل کا مؤقف اور دلیل : قارن و متمتع نے عشرہ ذی الحجہ میں تین روزے دم سے عاجز ہونے کی وجہ سے نہیں رکھے تو ایام تشریق میں رکھے اور اگر اس وقت بھی نہیں رکھے تو اگر امیر ہے تو دم لازم ہوگا اور غریب بعد میں رکھ سکتا ہے۔ دلیل یہ ہے فذہب قوم سے اسی طرف اشارہ کیا گیا ہے۔
لغات : ایام تشریق۔ گیارہ ‘ بارہ ‘ تیرہ ذی الحجہ کو ایام تشریق کہا جاتا ہے اس کی وجہ یہ ہے کہ قربانیوں کا گوشت دھوپ میں ڈال کر سکھایا جاتا تھا۔