٤٠٥٢: ابراہیم عبدالرحمن بن یزید سے بیان کرتے تھے کہ ایک نخعی نے عمرے کا احرام باندھا اس کا نام عمیر بن سعید تھا اس کو سانپ نے ڈس لیا وہ راستہ میں بیمار پڑگیا تو اچانک ایک قافلہ سامنے آیا جس میں ابن مسعود (رض) تھے انھوں نے ان سے سوال کیا کہ اس کا کیا حکم ہے۔ آپ نے فرمایا۔ ہدی روانہ کر دو اور اس کے مابین ایک مقررہ دن طے کرلو جب وہ دن آجائے تو یہ حلال ہوجائے۔
حکم کہنے لگے عمارہ بن عمیر نے کہا تمہیں عبدالرحمن بن یزید سے یہ روایت اس طرح بیان کی تھی کہ ابن مسعود (رض) نے فرمایا اس کو آئندہ سال عمرہ لازم ہے۔ شعبہ کہنے لگے میں نے یہ روایت اسی طرح سلیمان سے سنی جس طرح حکم نے بیان کی تھی۔