٤٠٧٢: سعیدالمقبری نے ابو شریح کعبی (رض) سے نقل کیا کہ جناب رسول اللہ (صلی اللہ علیہ وآلہ وسلم) نے فرمایا اللہ تعالیٰ نے مکہ کو حرام کیا۔ لوگوں نے اسے حرام نہیں کیا جس کو اللہ تعالیٰ اور آخرت پر ایمان ہو وہ اس میں کوئی خون نہ بہائے اور ہرگز اس کا درخت نہ کاٹے اگر کوئی رخصت پسند یہ کہے کہ اس کو اللہ تعالیٰ نے رسول اللہ (صلی اللہ علیہ وآلہ وسلم) کے لیے حلال کیا (تو میرے لیے کیوں حلال نہیں) (تو تم اسے کہنا کہ جناب رسول اللہ (صلی اللہ علیہ وآلہ وسلم) نے فرمایا) اس کو اللہ تعالیٰ نے میرے لیے تھوڑی دیر کے لیے حلال کیا اور لوگوں کے لیے حلال نہیں کیا۔
تخریج : بخاری فی العلم باب ٣٧‘ والصید باب ٨‘ ٩‘ والمغازی باب ٥١‘ مسلم فی الحج ٤٤٦‘ ترمذی فی الحج باب ١‘ الدیات باب ١٣‘ نسائی فی المناسک باب ١١١‘ مسند احمد ٤؍٣١‘ ٣٢‘ ٦؍٤٨٥۔