٤٠٧٧: ابو سلمہ نے ابوہریرہ (رض) سے بیان کیا کہ جب اللہ تعالیٰ نے اپنے رسول اللہ (صلی اللہ علیہ وآلہ وسلم) پر مکہ کو فتح کردیا تو بنو ہذیل نے بنو ثقیف کے ایک آدمی کو قتل کردیا اور یہ قتل ایک مقتول کے بدلے میں تھا جس کا واقعہ زمانہ جاہلیت میں پیش آیا تھا۔
جناب نبی اکرم (صلی اللہ علیہ وآلہ وسلم) کھڑے ہوئے اور ارشاد فرمایا اللہ تعالیٰ نے اہل مکہ سے ہاتھی والوں کو روک دیا اور اپنے رسول اللہ (صلی اللہ علیہ وآلہ وسلم) اور مؤمنوں کو ان پر غلبہ و تسلط عنایت فرمایا۔ یہ مجھ سے پہلے کسی کے لیے حلال نہیں ہوا اور نہ میرے بعد کسی کے لیے حلال ہوگا میرے لیے دن کی ایک گھڑی حلال ہوا اور بلاشبہ اس گھڑی یہ حرام ہے اس کا درخت نہ کاٹا جائے گا اور نہ اس کا کانٹا توڑا جائے گا اور اس کی گری پڑی چیز کو نہ اٹھایا جائے گا مگر اعلان کرنے والے کے لئے۔
تخریج : بخاری فی العلم باب ٣٩‘ القطۃ باب ٧‘ الشروط باب ١٥‘ مسلم فی الحج ٤٤٧‘ ابو داؤد فی المناسک باب ٨٩‘ والجہاد باب ١٥٦‘ مسند احمد ٢؍٢٣٨۔