٤٠٩٢: نافع ابن عمر (رض) کے متعلق نقل کرتے ہیں کہ جب وہ اپنی ہدی بھیجتے تو بیویوں کے قریب نہ جاتے۔
حاصل روایات : ان روایات سے معلوم ہوتا ہے ہے کہ ہدی کو روانہ کرنے والا گھر میں محرم کی طرح پابندیاں کرے گا جب ہدی کے ذبح کا دن آجائے گا تو وہ ان پابندیوں سے نکلے گا۔
فریق ثانی کا مؤقف : فقط ہدی روانہ کرنے یا قلادہ ڈالنے سے کوئی محرم نہیں بنتا نہ اس پر وہ پابندیاں لازم ہوتی ہیں جب تک وہ احرام نہ باندھے اور ہدی کے ساتھ روانہ نہ ہو خواہ حج کا قصد کر کے یا عمرہ کا۔
دلائل یہ روایات ہیں۔
اوپر ٤٠٩١ نمبر روایت میں حضرت عائشہ (رض) کا خط ذکر کیا گیا وہ اس سلسلہ کی پہلی دلیل ہے۔