٤١٧١: عبدالرحمن بن قاسم نے اپنے والد سے انھوں نے عائشہ امّ المؤمنین (رض) سے روایت نقل کی ہے کہ حضرت عائشہ (رض) حفصہ بنت عبدالرحمن کا نکاح منذر بن زبیر (رض) سے کردیا اس وقت حضرت عبدالرحمن موجود نہ تھے بلکہ وہ شام میں تھے حضرت عبدالرحمن (رض) تشریف لائے تو (ناراضی سے) فرمایا کیا میرے جیسے آدمی سے یہ معاملہ کیا جاتا ہے کہ میری رائے کے بغیر کام کیا جائے پس عائشہ (رض) نے منذر کی طرف سے گفتگو کی۔ تو منذر نے کہا کہ عبدالرحمن (رض) کو اختیار ہے اس پر عبدالرحمن (رض) نے فرمایا میں ایسے کام کو بالکل رد نہ کروں گا جو تم نے کردیا پس حفصہ کو منذر کے نکاح میں رہنے دیا اور عبدالرحمن کا یہ قول طلاق نہ ہوا (یعنی نکاح ثابت و برقرار رہا) ۔