٤٢٤٧: ابوبکر بن عبدالرحمن نے حارث بن عبدالرحمن سے بیان کیا کہ جناب رسول اللہ (صلی اللہ علیہ وآلہ وسلم) نے جب امّ سلمہ (رض) سے شادی کی اور ان کے ہاں صبح کی تو آپ نے فرمایا تمہاری وجہ سے تمہارے خاندان کو کچھ بھی سبکی نہ ہوگی اگر تم چاہو تو میں تمہارے ہاں سات دن گزارتا ہوں اور سات دن ان کے ہاں گزاروں گا اور اگر تم پسند کرو تو تین روز تمہارے ہاں قیام کروں گا پھر دوسری بیویوں کے ہاں جاؤں گا انھوں نے تین پر رضامندی ظاہر کی۔
تخریج : گزشتہ روایت ٤٢٤٦ کی تخریج پیش نظر رہے۔