٤٢٤٨: عبدالملک بن ابی بکر بن عبدالرحمن بن حارث بن ہشام نے اپنے والد سے انھوں نے امّ سلمہ (رض) سے روایت کی ہے کہ جناب نبی اکرم (صلی اللہ علیہ وآلہ وسلم) نے امّ سلمہ (رض) کو فرمایا جبکہ ان سے شادی کی۔ تمہاری وجہ سے تمہارے خاندان کی بےعزتی نہ ہوگی اگر تم پسند کرو تو تمہارے ہاں سات دن گزاروں گا ورنہ تین ایام۔ پھر دیگر ازواج کے ہاں جاؤں گا۔ فریق ثانی کا مؤقف یہ ہے کہ اگر اس کے ہاں تین دن گزارے گا تو تمام عورتوں کے لیے تین دن گزارنے ہوں گے اور اگر ان کے لیے سات دن گزارے تو دیگر تمام بیویوں کے لیے بھی سات دن ہوں گے اس سلسلہ میں حضرت امّ سلمہ (رض) کی روایت سے استدلال کیا ہے کہ جناب رسول اللہ (صلی اللہ علیہ وآلہ وسلم) نے ان سے فرمایا اگر میں تمہارے ہاں سات دن گزاروں گا تو ان کے ہاں بھی سات دن گزاروں گا۔
حاصل روایت : ان روایات سے یہ بات ثابت ہوئی کہ دوسری عورتوں کے علاوہ تین ایام ان کا حق ہے۔
فریق ثانی کا مؤقف : اگر اس کے ہاں تین دن گزارے گا تو تمام عورتوں کے لیے تین دن گزارنے ہوں گے اور اگر ان کے لیے ساتھ گزارے تو دیگر تمام بیویوں کے لیے بھی تین دن ہوں گے اس سلسلہ میں حضرت امّ سلمہ (رض) کی روایت سے استدلال کیا ہے کہ جناب رسول اللہ (صلی اللہ علیہ وآلہ وسلم) نے ان سے فرمایا اگر میں تمہارے ہاں سات دن گزاروں گا تو ان کے ہاں بھی سات دن گزاروں گا۔