٤٢٦١: ابو سلمہ بن سہل نے حضرت ابو سعید خدری (رض) سے روایت کی ہے کہ میں بنو قینقاع کے بازار میں اپنی لونڈی کے ساتھ مقیم تھا میرے پاس ایک یہودی آیا اس نے کہا یہ لونڈی کون ہے ؟ میں نے کہا یہ میری لونڈی ہے اس نے کہا کیا تم اس سے جماع کرتے ہو میں نے کہا ہاں اس نے کہا شاید اس کے پیٹ میں تمہارا بچہ ہوگا میں نے کہا میں تو اس سے عزل کرتا ہوں یہودی کہنے لگا یہ تو چھوٹے قسم کا زندہ درگور کرنا ہے ابو سعید کہتے ہیں کہ میں جناب رسول اللہ (صلی اللہ علیہ وآلہ وسلم) کی خدمت میں حاضر ہوا اور آپ کی خدمت میں یہ بات پیش کی آپ نے فرمایا یہودی نے جھوٹ بولا ہے یہودی نے جھوٹ بولا ہے۔ حضرت ابو سعید (رض) خدری جناب رسول اللہ (صلی اللہ علیہ وآلہ وسلم) سے نقل کر رہے ہیں کہ عزل کو زندہ درگور کہنے والا کذاب ہے کذاب ہے۔ پھر اس سلسلہ میں حضرت علی (رض) کا ارشاد اس قول کی غلطی پر خوبصورت انداز سے شاندار تنبیہ ہے۔
نوٹ : یہ ابو سعید (رض) جناب رسول اللہ (صلی اللہ علیہ وآلہ وسلم) سے نقل کر رہے ہیں کہ عزل کو زندہ درگور کہنے والا کذاب ہے کذاب ہے۔