٤٢٩٧: حکیم بن عقال کہتے ہیں کہ میں نے عائشہ (رض) سے دریافت کیا کہ میرے لیے اپنی بیوی کے جسم میں سے حیض کی حالت میں کیا کچھ حلال نہیں ہے انھوں نے کہا اس کی شرمگاہ۔ پس آثار کے معانی کی درستی کے پیش نظر تو معنی اسی طرح ہوگا۔ حیض سے پہلے خاوند کو اپنی بیوی سے ازار سے نیچے اور اوپر ہر دو طرح مجامعت کا حق حاصل ہے پھر جب حالت حیض پیش آئی تو مجامعت کو شرمگاہ تو حرام قرار پائی اور ازار سے اوپر استعمال بالاتفاق حلال رہا۔ البتہ ازار کے نیچے شرمگاہ کے علاوہ میں اختلاف ہوا بعض نے اس کو مباح کہا اور ازار سے اوپر والے حکم کی طرح قرار دیا اور بعض نے اس سے منع کر کے اس کو مجامعت شرمگاہ کی طرح قرار دیا اب اختلاف کی صورت میں یہ بات لازم ہوگئی کہ ہم غور و فکر سے کام لیں تاکہ ان میں زیادہ مشابہت والی جانب متعین ہو کر اسی پر اس کا حکم لگ سکے۔ چنانچہ غور سے معلوم ہوا کہ شرمگاہ میں جماع سے حد ‘ مہر ‘ غسل لازم ہوجاتے ہیں اور شرمگاہ کے علاوہ جماع کی صورت میں ان میں سے کوئی چیز لازم نہیں آتی اس سلسلے میں چادر اور اس کے نیچے کا حکم برابر ہے تو جو ہم نے ذکر کیا اس سے یہ بات ثابت ہوئی کہ چادر کے نیچے کا حکم جماع فی الفرج کی بنسبت چادر کے اوپر والے حکم کے ساتھ زیادہ مشابہت رکھتا ہے تو اس سے نظرو قیاس کا تقاضا یہ ہوا کہ حائضہ کے سلسلہ میں بھی حکم اسی طرح ہو فلہذا اس کا حکم چادر کے اوپر جماع کے حکم جیسا ہوگا شرمگاہ میں جماع کے حکم جیسا نہیں ہوگا۔ یہ امام محمد کا قول اور ہم اسی کو اختیار کرتے ہیں امام طحاوی (رح) کا اپنا رجحان بھی اس طرح معلوم ہوتا ہے۔ امام طحاوی (رح) فرماتے ہیں کہ میں نے اس سلسلہ میں بار دیگر غور کیا تو روایات کی تصحیح کا یہ تقاضا پایا کہ وہ امام ابوحنیفہ (رح) کے مسلک کی تائید کرتی ہیں امام محمد (رح) کے قول کے مؤید نہیں ہیں۔ اس سلسلہ کی روایات تین اقسام پر مشتمل ہیں : قسم اوّل : وہ روایات ہیں جن میں آپ (صلی اللہ علیہ وآلہ وسلم) کے متعلق مذکور ہے کہ آپ اپنی ازواج کے ساتھ لیٹ جاتے جب کہ انھوں نے ازار باندھی ہوتی۔ مگر اس قسم کی روایات میں چادر کے نیچے شرمگاہ میں مباشرت کے علاوہ پر ان میں کوئی دلیل نہیں پائی جاتی۔ جیسا کہ پہلے ہم ذکر کر آئے ہیں۔ قسم دوم : دوسری قسم کی روایات میں مثلاً عمیر (رض) جو عمر (رض) کے غلام ہیں انھوں نے جناب رسول اللہ (صلی اللہ علیہ وآلہ وسلم) سے روایت کی ہے جیسا کہ ہم ان کو پیچھے نقل کر آئے ان میں حائضہ عورت سے چادر کے نیچے جماع سے منع کیا گیا ہے کیونکہ ان میں جناب رسول اللہ (صلی اللہ علیہ وآلہ وسلم) کا ارشاد چادر سے اوپر والے حصہ سے متعلق ہے اور وہ حضرت عمر (رض) کے ایک سوال کا جواب ہے ان کا سوال یہ تھا کہ اگر عورت حائضہ ہو تو اس کا خاوند اس سے کیا فائدہ اٹھاسکتا ہے ؟ آپ نے فرمایا چادر کے اوپر سے فائدہ حاصل کرسکتا ہے اور اس سوال کا تو بغیر کمی بیشی کے تذکرہ ہے۔ قسم ثالث : ایک قسم روایات کی ہے جو حضرت انس (رض) سے مروی ہے جیسا کہ ہم نے ذکر کیا ہے یہ روایت حائضہ عورت سے شرمگاہ میں مجامعت کے علاوہ کو جائز قرار دیتی ہے اگرچہ چادر کے نیچے ہو۔ اب ہم نے دیکھنا یہ ہے کہ ان گزشتہ روایات میں متاخر روایت کون سی ہے تاکہ اسے دوسری روایت کے لیے ناسخ قرار دیا جائے چنانچہ غور کرنے پر معلوم ہوا کہ حضرت انس (رض) کی روایت میں یہود کا تذکرہ موجود ہے اور جناب رسول اللہ (صلی اللہ علیہ وآلہ وسلم) اس قسم کے معاملات میں جب تک وحی سے واضح حکم نہ ہوتا اہل کتاب کی موافقت کو پسند فرماتے تھے یہ بات ہم نے کتاب الجنائز میں حضرت ابن عباس (رض) کی روایت سے لی ہے۔ اللہ تعالیٰ نے اپنے اس ارشاد میں بھی اس بات کا حکم دیا ہے۔ اولئک الذین ہدی اللہ فبھداہم اقتدہ (الانعام۔ ٩٠) پس آپ (صلی اللہ علیہ وآلہ وسلم) پر گزشتہ انبیاء (علیہم السلام) کی اتباع لازم تھی جب تک آپ کو شریعت کا وہ حکم نہ ملتا جو ان کی شریعت کو منسوخ کرنے والا ہو۔ تو یہود کا یہ طرز عمل کہ حائضہ سے مکمل پرہیز یعنی کھانے ‘ پینے رہنے سہنے سے گریز ہو اور گفتگو بھی نہ ہو۔ حضرت انس (رض) کی روایت کا مضمون یہی ہے۔ تو حضرت انس (رض) کی اس روایت سے ان کے ساتھ شرمگاہ کے علاوہ جماع ثابت ہوتا ہے اور حضرت عمر (رض) والی روایت میں چادر سے اوپر کا جواز اور چادر کے نیچے کی ممانعت مذکور ہے پس اگر حضرت انس (رض) کی روایت کو یہود کے حائضہ عورتوں کے ساتھ طرز عمل کا ناسخ قرار دیا جائے تو حضرت عمر (رض) کی روایت اس سے مقدم ثابت نہیں ہوسکتی۔ پس اس سے یہ ثابت ہوا کہ یہ بعد کی روایت ہے اور اس بعض حکم کے لیے بھی ناسخ ہے جو حضرت انس (رض) کی روایت میں جائز قرار دیا گیا ہے۔ فلہذا روایات کی تطبیق و تصحیح سے امام ابوحنیفہ (رح) کا مذہب ثابت ہوگیا اور امام محمد (رح) نے جس بات کو اختیار کیا ہے اس کی نفی ہوگئی۔
نظر طحاوی (رح) :
حیض سے پہلے خاوند کو اپنی بیوی سے ازار سے نیچے اور اوپر ہر دو طرح مجامعت کا حق حاصل ہے پھر جب حالت حیض پیش آئی تو مجامعت شرمگاہ تو حرام قرار پائی اور ازار سے اوپر استعمال بالاتفاق حلال رہا۔
البتہ ازار کے نیچے شرمگاہ کے علاوہ میں اختلاف ہوا بعض نے اس کو مباح کہا اور ازار سے اوپر والے حکم کی طرح قرار دیا اور بعض نے اس سے منع کر کے اس کو مجامعت شرمگاہ کی طرح قرار دیا اب اختلاف کی صورت میں یہ بات لازم ہوگئی کہ ہم غور و فکر سے کام لیں تاکہ ان میں زیادہ مشابہت والی جانب متعین ہو کر اسی پر اسی کا حکم لگ سکے۔
چنانچہ غور سے معلوم ہوا کہ شرمگاہ میں جماع سے حد ‘ مہر ‘ غسل لازم ہوجاتے ہیں اور شرمگاہ کے علاوہ جماع کی صورت میں ان میں سے کوئی چیز لازم نہیں آتی اس سلسلے میں چادر اور ان کے نیچے کا حکم برابر ہے تو جو ہم نے ذکر کیا اس سے یہ بات ثابت ہوئی کہ چادر کے نیچے کا حکم جماع فی الفرج کی بنسبت چادر کے اوپر والے حکم کے ساتھ زیادہ مشابہت رکھتا ہے تو اس سے نظرو قیاس کا تقاضا یہ ہوا کہ حائضہ کے سلسلہ میں بھی حکم اسی طرح ہو فلہذا اس کا حکم چادر کے اوپر جماع کے حکم جیسا ہوگا شرمگاہ میں جماع کے حکم جیسا نہیں ہوگا۔
یہ امام محمد کا قول اور ہم اسی کو اختیار کرتے ہیں امام طحاوی (رح) کا اپنا رجحان بھی اس طرف معلوم ہوتا ہے۔
امام طحاوی (رح) کی نظر ثانی :
میں نے اس سلسلہ میں بار دیگر غور کیا تو معلوم ہوا کہ روایات امام ابوحنیفہ (رح) کے مسلک کی تائید کرتی ہیں امام محمد (رح) کے قول کی مؤید نہیں ہیں۔
احادیث کی تین اقسام :
قسم اوّل : اس سلسلہ کی روایات تین اقسام پر مشتمل ہیں قسم اوّل وہ روایات ہیں جن میں آپ (صلی اللہ علیہ وآلہ وسلم) کے متعلق مذکور ہے کہ آپ اپنی ازواج کے ساتھ لیٹ جاتے جب کہ انھوں نے ازار باندھی ہوتی۔ مگر اس قسم کی روایات میں چادر کے نیچے شرمگاہ میں مباشرت کے علاوہ پر ان میں کوئی دلیل نہیں پائی جاتی۔ جیسا کہ پہلے ہم ذکر کر آئے ہیں۔
قسم دوم : دوسری قسم کی روایات میں مثلاً عمیر (رض) جو عمر (رض) کے غلام ہیں انھوں نے جناب رسول اللہ (صلی اللہ علیہ وآلہ وسلم) سے روایت کی ہے جیسا کہ ہم ان کو پیچھے نقل کر آئے ان میں حائضہ عورت سے چادر کے نیچے جماع سے منع کیا گیا ہے کیونکہ ان میں جناب رسول اللہ (صلی اللہ علیہ وآلہ وسلم) کا ارشاد چادر سے اوپر والے حصہ سے متعلق ہے اور وہ حضرت عمر (رض) کے ایک سوال کا جواب ہے ان کا سوال یہ تھا کہ اگر عورت حائضہ ہو تو اس کا خاوند اس سے کیا فائدہ اٹھاسکتا ہے ؟ آپ نے فرمایا چادر کے اوپر سے فائدہ حاصل کرسکتا ہے اور یہ سوال کا تو بغیر کمی بیشی کے تذکرہ ہے۔
قسم ثالث : وہ روایت ہے جو حضرت انس (رض) سے مروی ہے جیسا کہ ہم نے ذکر کیا ہے یہ روایت حائضہ عورت سے شرمگاہ میں مجامعت کے علاوہ کو جائز قرار دیتی ہے اگرچہ چادر کے نیچے ہو۔
اب ہم نے دیکھنا یہ ہے کہ ان گزشتہ روایات میں متاخر روایت کون سی ہے تاکہ اسے دوسری روایت کے لیے نسخ قرار دیا جائے چنانچہ کرنے پر معلوم ہوا کہ حضرت انس (رض) کی روایت میں پہلو کا تذکرہ موجود ہے اور جناب رسول اللہ (صلی اللہ علیہ وآلہ وسلم) اس قسم کے معاملات میں جب تک وحی سے واضح حکم نہ ہوتا اہل کتاب کی موافقت کو پسند فرماتے تھے یہ بات ہم نے کتاب الجنائز میں حضرت ابن عباس (رض) کی روایت سے لی ہے۔ اللہ تعالیٰ نے اپنے اس ارشاد میں بھی اس بات کا حکم دیا ہے۔ اولئک الذین ہدی اللہ فبھداہم اقتدہ (الانعام۔ ٩٠) پس آپ (صلی اللہ علیہ وآلہ وسلم) پر گزشتہ انبیاء (علیہم السلام) کی اتباع لازم تھی جب تک آپ کو شریعت کا وہ حکم نہ ملتا جو ان کی شریعت کو منسوخ کرنے والا ہو۔
تو یہود کا یہ طرز عمل تھا کہ حائضہ سے کھانے ‘ پینے رہنے سہنے حتیٰ کہ گفتگو بھی نہ کرتے۔ حضرت انس (رض) کی روایت کا مضمون یہی ہے۔ تو حضرت انس (رض) کی اس روایت سے ان کے ساتھ شرمگاہ کے علاوہ جماع ثابت ہوتا ہے اور حضرت عمر (رض) والی روایت میں چادر سے اوپر کا جواز اور چادر کے نیچے کی ممانعت مذکور ہے پس اگر حضرت انس (رض) کی روایت کو یہود کے حائضہ عورتوں کے ساتھ طرز عمل کا ناسخ قرار دیا جائے تو حضرت عمر (رض) کی روایت اس سے مقدم ثابت نہیں ہوسکتی۔ پس اس سے یہ ثابت ہوا کہ یہ بعد کی روایت ہے اور اس بعض حکم کے لیے بھی ناسخ ہے جو حضرت انس (رض) کی روایت میں جائز قرار دیا گیا ہے۔ فلہذا روایات کی تطبیق و تصحیح سے امام ابوحنیفہ (رح) کا مذہب ثابت ہوگیا اور امام محمد (رح) نے جس بات کو اختیار کیا ہے اس کی نفی ہوگئی۔
نوٹ : یہ پہلا موقع ہے کہ امام طحاوی (رح) نے اپنے نزدیک غیر راجح قول کو دلائل و روایات کی توفیق و توثیق سے مضبوط قرار دیا ہے اور اپنے عام طرز عمل کے خلاف اس راجح بالروایات مذہب کو شروع میں ذکر کیا ہے۔