٤٤١٢: مکحول کہتے ہیں کہ میں مدینہ حاضر ہوا مجھے سلیمان بن یسار نے بتلایا کہ زید بن ثابت (رض) کہا کرتے تھے کہ اگر مرد نے اپنی بیوی کو طلاق دے دی اور اس نے اپنے تیسرے حیض کے خون کا ایک قطرہ بھی دیکھ لیا تو اس کو رجعت کا حق حاصل نہ رہا۔ سلیمان کہتے ہیں کہ میں نے اس سلسلہ میں مدینہ منورہ میں دریافت کیا تو مجھے یہ بات پہنچی کہ عمر بن خطاب معاذ بن جبل اور ابوالدرداء (رض) اس مرد کو رجوع کا حق اس وقت تک دیتے ہیں یہاں تک کہ وہ تیسرے حیض کے غسل سے فارغ ہوجائے۔