٤٤٣٧: ابو سلمہ بن عبدالرحمن کہتے ہیں کہ فاطمہ بنت قیس نے جناب رسول اللہ (صلی اللہ علیہ وآلہ وسلم) سے بیان کیا کہ آپ نے اس کو فرمایا تم ابن ام مکتوم (رض) کے گھر میں عدت گزارو۔ محمد بن اسامہ کہا کرتے تھے کہ اسامہ کے سامنے جب فاطمہ بنت قیس اس بات کا تذکرہ کرتیں تو آپ اس کو جو چیز ہاتھ میں ہوتی مار دیتے۔
امام طحاوی (رح) کہتے ہیں جس طرح کہ عمر (رض) نے اس روایت کا انکار کیا اسی طرح اسامہ بن زید (رض) نے بھی انکار کیا۔ حضرت عائشہ (رض) سے بھی انکار کی روایت ملاحظہ ہو۔