٤٤٣٨: قاسم بن محمد اور سلیمان بن یسار بیان کرتے تھے کہ یحییٰ بن سعید بن عاص نے عبدالرحمن بن حکم کی بیٹی کو طلاق دے دی عبدالرحمن بن حکم نے اس کو منتقل کرلیا۔ حضرت عائشہ (رض) نے مروان کی طرف پیغام بھیجا مروان اس وقت مدینہ منورہ کا امیر تھا کہ اللہ تعالیٰ سے ڈرو اور عورت کو اس کے گھر بھیج دو ۔ مروان کہنے لگا۔ یہ سلیمان کی روایت میں ہے۔ کہ عبدالرحمن مجھ پر غالب آگیا ہے اور قاسم کی روایت میں ہے ” اما بلغک حدیث فاطمۃ بنت قیس ؟ “ تو عائشہ (رض) نے فرمایا اگر تو حدیث فاطمہ کا تذکرہ نہ کرے تو تیرا کچھ نہ بگڑے گا مروان کہنے لگا۔ اگر آپ کا مقصد شر ہے تو پھر تمہیں اسی شر پر اکتفا کرلینا چاہیے جو ان دونوں کے درمیان ہے۔