٤٤٤٤: ہشیم نے یونس سے انھوں نے حسن سے روایت کی دونوں کہا کرتے تھے کہ تین طلاق والی عورت اور جس کا خاوند مرجائے ان دونوں کا نفقہ نہیں اور دونوں جہاں چاہیں عدت گزاریں۔ اگرچہ حضرت عمر ‘ عائشہ ‘ اسامہ (رض) نے فاطمہ کی روایت کا انکار کیا مگر ابن عباس (رض) اور حسن (رح) نے اس کی موافقت کی ہے جس کی وجہ سے روایت میں کمزوری نہیں آئی۔ اس قول والوں کے خلاف ہماری دلیل یہ ہے کہ حضرت عمر (رض) کا استدلال فاطمہ (رض) والی روایت کے خلاف بالکل درست ہے کیونکہ اللہ تعالیٰ نے فرمایا ہے : یا ایہا النبی اذا طلقتم النساء فطلقوہن لعدتہن (الطلاق۔ ١) پھر فرمایا لاتدری لعل اللہ یحدث بعد ذلک امرا “ اس بات پر تمام علماء کا اتفاق ہے کہ اس امر سے مراجعت مراد ہے پھر اللہ تعالیٰ نے فرمایا۔ ” اسکنوہن من حیث سکنتم من وجدکم “ (الطلاق۔ ٦) پھر فرمایا ” لاتخرجوہن من بیوتہن ولا یخرجن “ (الطلاق۔ ١) اس سے عدت مراد ہے۔ عورت کو جب اس کا خاوند دو طلاق بطریق سنت دے پھر اس سے رجوع کرے پھر اس کو ایک طلاق سنت دے تو وہ عورت اس پر حرام ہوجاتی ہے اور اس پر وہ عدت لازم ہوجاتی ہے جس میں اللہ تعالیٰ نے سکنیٰ کا حق مقرر کیا ہے یا اس عورت کو حکم دیا کہ وہ مقام عدت سے نہ نکلے اور خاوند کو حکم فرمایا کہ وہ اس کو مت گھر سے نکالے۔ اللہ تعالیٰ نے مطلقہ سنت کہ جس میں رجوع نہ ہو اور مطلقہ سنت جس میں رجوع ہو میں کوئی فرق بیان نہیں فرمایا بلکہ ان کا حکم یکساں رکھا جب فاطمہ بنت قیس آئیں اور انھوں نے جناب رسول اللہ (صلی اللہ علیہ وآلہ وسلم) سے یہ روایت کی آپ نے اس کو فرمایا سکنیٰ اور نفقہ اس کے لیے ہے جس کو رجوع کا حق ہے اس نے فاطمہ نے کتاب اللہ کی نص کی مخالفت کی کیونکہ کتاب اللہ میں سکنیٰ اس کو بھی دیا گیا جس پر رجوع نہیں اور سنت رسول اللہ (صلی اللہ علیہ وآلہ وسلم) کی اس طرح مخالفت کی کیونکہ عمر (رض) نے جناب رسول اللہ (صلی اللہ علیہ وآلہ وسلم) سے اس کے خلاف روایت نقل کی جو اس نے نقل کی۔ اس سے وہ مفہوم نکل آیا جس سے عمر (رض) نے انکار کیا اور درست انکار کیا اور روایت فاطمہ (رض) واجب العمل نہ رہی اور نادرست ثابت ہوگئی۔ اگر کوئی معترض یہ کہے کہ حضرت فاطمہ (رض) کی روایت میں خلط شعبی کی روایت کی وجہ سے پیدا ہوا کیونکہ شعبی نے ہی حضرت فاطمہ (رض) سے یہ روایت نقل کی ہے کہ جناب رسول اللہ (صلی اللہ علیہ وآلہ وسلم) نے ان کے لیے رہائش اور نفقہ مقرر نہیں فرمایا ہمارے حجازی اساتذہ کی روایت میں یہ بات نہیں ہے۔ طحاوی (رح) فرماتے ہیں کہ اس کہنے والے نے اس سلسلہ میں غفلت سے کام لیا یا اس کو سہو ہوگیا کیونکہ اس بات میں جس طرح شعبی (رح) نے مکمل روایت نقل کی ہے اور کسی دوسرے راوی نے ایسی مکمل روایت نقل نہیں کی۔ فلہذا اس قائل کو وہم ہوا کہ اس نے اس میں مروی تمام روایات کو جمع کرلیا ہے اور پھر اس پر گفتگو کی اور کہا کہ جو کچھ ہم نے بیان کیا وہ اسی طرح ہے جیسا ہم نے وضاحت کی ہے حالانکہ یہ اس طرح نہیں جیسا اس نے وہم کیا کیونکہ شعبی (رض) نہایت پختہ حافظے والے ‘ معتبر اور قابل اعتماد ہیں ان شعبی سے مروی روایت کی ان لوگوں نے بھی موافقت کی ہے جن کا ہم نے اس حدیث کے ضمن میں باب کے شروع میں ذکر کیا اب یہاں اس کو دوبارہ لوٹانے کی حاجت نہیں۔ حضرت عبداللہ بن یزید کی روایت جس میں مذکور ہے کہ تمہارے لیے رہائش نہیں ہے اس کو لیث بن سعد نے حضرت عبداللہ بن یزید سے انھوں نے ابو سلمہ سے اور انھوں نے حضرت فاطمہ سے انھوں نے حضرت شعبی کی روایت کی طرح روایت کی ہے تو شعبی (رح) سے جو خلط ملط پیش آیا وہ ان روات کی وجہ سے ہوا جنہوں نے امّ سلمہ کے واسطہ سے فاطمہ (رض) سے روایت کی ہے۔ کیونکہ انھوں نے بعض حصے کو حذف کیا جبکہ بعض کو نقل کردیا باقی اصل روایت کا جہاں تک تعلق ہے وہ تو اسی طرح ہے جیسا امام شعبی (رح) نے بیان کی ہے اور ہمارے مخالف نے یہ بھی کہا ہے کہ اگر روایت فاطمہ (رض) اسی طرح ہے جیسا کہ شعبی نے بیان کی ہے تو پھر وہ فریق اوّل کے مذہب کے موافق ہے کیونکہ جناب رسول اللہ (صلی اللہ علیہ وآلہ وسلم) کے ارشاد کے مطابق کہ تمہارے لیے نفقہ نہیں ہے۔ کا مطلب یہ ہوگا کیونکہ تم غیر حاملہ ہو اور تمہارے لیے رہائش نہیں کیونکہ تم بدکلام ہو اور بدکلامی یہ اس فاحشہ میں داخل ہے جس کا تذکرہ اللہ تعالیٰ نے :{ یٰٓاَیُّہَا الَّذِیْنَ اٰمَنُوْا لاَ یَحِلُّ لَکُمْ اَنْ تَرِثُوا النِّسَآئَ کَرْہًا ١ وَلاَ تَعْضُلُوْہُنَّ لِتَذْہَبُوْا بِبَعْضِ مَآ اٰتَیْتُمُوْہُنَّ اِلآَّ اَنْ یَّاْتِیْنَ بِفَاحِشَۃٍ مُّبَیِّنَۃٍ ٥ وَعَاشِرُوْہُنَّ بِالْمَعْرُوْفِ ٥ فَاِنْ کَرِہْتُمُوْہُنَّ فَعَسٰٓی اَنْ تَکْرَہُوْا شَیْئًا وَّیَجْعَلَ اللّٰہُ فِیْہِ خَیْرًا کَثِیْرًا } (النساء : ١٩) میں کیا ہے اور اس سلسلہ میں ابن عباس (رض) کی یہ روایت ذکر کی ہے۔
تشریح اگرچہ عمر ‘ عائشہ ‘ اسامہ (رض) نے فاطمہ کی روایت کا انکار کیا مگر ابن عباس (رض) اور حسن (رح) نے اس کی موافقت کی ہے جس کی وجہ سے روایت میں کمزوری نہیں آئی۔
جواب حضرت عمر (رض) کا استدلال فاطمہ (رض) والی روایت کے خلاف بالکل درست ہے کیونکہ اللہ تعالیٰ نے فرمایا ہے۔ یا ایہا النبی اذا طلقتم النساء فطلقوہن لعدتہن (الطلاق۔ ١) پھر فرمایا لاتدری لعل اللہ یحدث بعد ذلک امرا “
اس بات پر تمام علماء کا اتفاق ہے کہ اس امر سے مراجعت مراد ہے پھر اللہ تعالیٰ نے فرمایا۔ ” اسکنوہن من حیث سکنتم من وجدکم “ (الطلاق : ٦) پھر فرمایا ” لاتخرجوہن من بیوتہن ولا یخرجن “ (الطلاق۔ ١) اس سے عدت مراد ہے۔
عورت کو جب اس کا خاوند دو طلاق بطریق سنت دے پھر اس سے رجوع کرے پھر اس کو ایک طلاق سنت دے تو وہ عورت اس پر حرام ہوجاتی ہے اور اس پر وہ عدت لازم ہوجاتی ہے جس میں اللہ تعالیٰ نے سکنیٰ کا حق مقرر کیا ہے یا اس عورت کو حکم دیا کہ وہ مقام عدت سے نہ نکلے اور خاوند کو حکم فرمایا کہ وہ اس کو مت گھر سے نکالے۔
اللہ تعالیٰ نے مطلقہ سنت کہ جس میں رجوع نہ ہو اور مطلقہ سنت جس میں رجوع ہو کوئی فرق بیان نہیں فرمایا بلکہ ان کا حکم یکساں رکھا جب فاطمہ بنت قیس آئیں اور انھوں نے جناب رسول اللہ (صلی اللہ علیہ وآلہ وسلم) سے یہ روایت کی تو آپ نے اس کو فرمایا سکنیٰ اور نفقہ اس کے لیے ہے جس کو رجوع کا حق ہے اس سے فاطمہ نے کتاب اللہ کی نص کی مخالفت کی کیونکہ کتاب اللہ میں سکنیٰ اس کو بھی دیا گیا جس پر رجوع نہیں اور سنت رسول اللہ (صلی اللہ علیہ وآلہ وسلم) کی اس طرح مخالفت کی کیونکہ عمر (رض) نے جناب رسول اللہ (صلی اللہ علیہ وآلہ وسلم) سے اس کے خلاف روایت نقل کی جو اس نے نقل کی۔ اس سے وہ مفہوم نکل آیا جس سے عمر (رض) نے انکار کیا اور درست انکار کیا اور روایت فاطمہ (رض) واجب العمل نہ رہی اور نادرست ثابت ہوگئی۔

اعتراض :
حضرت فاطمہ (رض) کی روایت میں خلط شعبی کی روایت کی وجہ سے پیدا ہوا کیونکہ شعبی نے ہی حضرت فاطمہ (رض) سے یہ روایت نقل کی ہے کہ جناب رسول اللہ (صلی اللہ علیہ وآلہ وسلم) نے ان کے لیے رہائش اور نفقہ مقرر نہیں فرمایا ہمارے حجازی اساتذہ کی روایت میں یہ بات نہیں ہے۔
طحاوی (رح) فرماتے ہیں کہ اس کہنے والے نے اس سلسلہ میں غفلت سے کام لیا یا اس کو سہو ہوگیا کیونکہ اس بات میں جس طرح شعبی (رح) نے مکمل روایت نقل کی ہے اور کسی دوسرے راوی نے ایسی مکمل روایت نقل نہیں کی۔ فلہذا اس قائل کو وہم ہوا کہ اس نے اس میں مروی تمام روایات کو جمع کرلیا ہے اور پھر اس پر گفتگو کی اور کہا کہ جو کچھ ہم نے بیان کیا وہ اسی طرح ہے جیسا ہم نے وضاحت کی ہے حالانکہ یہ اس طرح نہیں جیسا اس نے وہم کیا کیونکہ شعبی (رض) نہایت پختہ حافظے والے ‘ معتبر اور قابل اعتماد ہیں ان شعبی سے مروی روایت کی ان لوگوں نے بھی موافقت کی ہے جن کا ہم نے اس حدیث کے ضمن میں باب کے شروع میں ذکر کیا اب یہاں اس کو دوبارہ لوٹانے کی حاجت نہیں۔
جواب : حضرت عبداللہ بن یزید کی روایت جس میں مذکور ہے کہ تمہارے لیے رہائش نہیں ہے اس کو لیث بن سعد نے حضرت عبداللہ بن یزید سے انھوں نے ابو سلمہ سے اور انھوں نے حضرت فاطمہ سے انھوں نے حضرت شعبی کی روایت کی طرح روایت کی ہے تو شعبی (رح) سے جو خلط ملط پیش آیا وہ ان روات کی وجہ سے ہوا جنہوں نے امّ سلمہ کے واسطہ سے فاطمہ (رض) سے روایت کی ہے۔ کیونکہ انھوں نے بعض حصے کو حذف کیا جبکہ بعض کو نقل کردیا باقی اصل روایت کا جہاں تک تعلق ہے وہ تو اسی طرح ہے جیسا امام شعبی (رح) نے بیان کی ہے۔
ایک اور اعتراض :
اگر روایت فاطمہ (رض) اسی طرح ہے جیسا کہ شعبی نے بیان کی ہے تو پھر وہ فریق اوّل کے مذہب کے موافق ہے کیونکہ جناب رسول اللہ (صلی اللہ علیہ وآلہ وسلم) کے ارشاد کے مطابق کہ تمہارے لیے نفقہ نہیں ہے۔ کا مطلب یہ ہوگا کیونکہ تم غیر حاملہ ہو اور تمہارے لیے رہائش نہیں کیونکہ تم بدکلام ہو اور بدکلامی یہ اس فاحشہ میں داخل ہے جس کا تذکرہ اللہ تعالیٰ نے : { یٰٓاَیُّہَا الَّذِیْنَ امَنُوْا لاَ یَحِلُّ لَکُمْ اَنْ تَرِثُوا النِّسَآئَ کَرْہًا ١ وَلاَ تَعْضُلُوْہُنَّ لِتَذْہَبُوْا بِبَعْضِ مَآ اٰتَیْتُمُوْہُنَّ اِلآَّ اَنْ یَّاْتِیْنَ بِفَاحِشَۃٍ مُّبَیِّنَۃٍ ٥ وَعَاشِرُوْہُنَّ بِالْمَعْرُوْفِ ٥ فَاِنْ کَرِہْتُمُوْہُنَّ فَعَسٰٓی اَنْ تَکْرَہُوْا شَیْئًا وَّیَجْعَلَ اللّٰہُ فِیْہِ خَیْرًا کَثِیْرًا } (النساء : ١٩) اور اس سلسلہ میں ابن عباس (رض) کی یہ روایت ذکر کی ہے۔