٤٤٦١: حمید بن نافع مولی انصار کہتے ہیں کہ میں نے زینب بنت امّ سلمہ کو امّ سلمہ (رض) سے اور ام حبیبہ (رض) سے یہ روایت بیان کرتے سنا جیسا کہ ربیع کی روایت میں ہے۔
حمید کہتے ہیں میں نے زینب (رح) سے پوچھا سال کے آخر کا کیا معنی ہے ؟ تو انھوں نے بتلایا کہ زمانہ جاہلیت میں جب کسی عورت کا خاوند مرجاتا تو وہ نہایت گندے مکان میں چلی جاتی اور اس میں ایک سال تک بیٹھتی۔ جب سال گزر جاتا تو باہر نکلتی اور اپنے پیچھے ایک مینگنی پھینکتی۔
تخریج : بخاری فی الطلاق باب ٤٦‘ ٤٧‘ ابو داؤد فی الطلاق باب ٤٣‘ ترمذی فی الطلاق باب ١٨‘ نسائی فی الطلاق باب ٥٥‘ ٦٣‘ ٦٧‘ ابن ماجہ فی الطلاق باب ٣٤‘ مالک فی الطلاق ١٠١‘ مسند احمد ٦؍٢٩٢‘ ٣١١۔