٤٤٦٢: حمید بن نافع سے روایت ہے کہ زینب بنت ابو سلمہ (رض) نے مجھے ان تینوں احادیث کی خبر دی ہے وہ فرماتی ہیں میں ام حبیبہ کے ہاں حاضر ہوئی۔ اس کے بعد زینب نے ان (ام حبیبہ (رض) ) سے اسی طرح کی روایت کی جو ہم نے گزشتہ روایات میں ان کی وساطت سے جناب نبی اکرم (صلی اللہ علیہ وآلہ وسلم) سے نقل کردی حضرت زینب (رض) کہتی ہیں کہ میں نے حضرت امّ سلمہ (رض) سے سنا وہ فرماتی ہیں کہ ایک عورت جناب نبی اکرم (صلی اللہ علیہ وآلہ وسلم) کی خدمت میں حاضر ہوئی پھر انھوں نے اس کی مثل بیان کیا جو ہم گزشتہ روایات میں بیان کر آئے ہیں۔
تشریح وہ یہ بھی کہتی ہیں کہ میں زینب بنت جحش (رض) کی خدمت میں گئی تو ان سے اسی طرح کا قول بیان کیا جو کہ یونس نے علی بن معبد سے اور ربیع نے شعیب کی روایت میں ذکر کیا ہے جس کو دونوں نے امّ سلمہ (رض) سے انھوں نے جناب رسول اللہ (صلی اللہ علیہ وآلہ وسلم) سے بنت النحام کے سلسلہ میں نقل کیا ہے۔