٤٧٥٥: شعیب نے عبدالرحمن بن ابزی سے اور انھوں نے ابوبکر (رض) سے روایت کی ہے کہ جناب نبی اکرم (صلی اللہ علیہ وآلہ وسلم) نے ماعز کو چار مرتبہ واپس کیا۔
بعض علماء کہتے ہیں کہ جس نے ایک مرتبہ زنا کا اعتراف کرلیا اس پر حد زنا قائم کی جائے گی اور انھوں نے حضرت (رض) انیس والی روایت جو پہلے ہم ذکر کر آئے اس کو دلیل میں پیش کیا۔ کہ آپ نے فرمایا۔ اے انیس ! تم صبح اس عورت کے ہاں جاؤ۔ پس اگر وہ اعتراف کرلے تو اس کو سنگسار کر دو ۔ وہ حضرات کہتے ہیں کہ یہ روایت اس بات کی دلیل ہے کہ زنا کا ایک مرتبہ اعتراف حد کو لازم کرنے والا ہے۔ دوسروں نے کہا زنا کا ایک مرتبہ اعتراف کرنے والے پر حد زنا قائم نہ کی جائے گی جب تک کہ وہ چار مرتبہ اعتراف نہ کرلے۔ انھوں نے جواب میں کہا روایت انیس (رض) میں تمہارے قول کی کوئی دلیل نہیں۔ اس کی وجہ یہ ہے کہ یہ عین ممکن ہے کہ انیس (رض) کو اس اعتراف کا اچھی طرح علم ہوچکا ہو جو حد کو لازم کرتا ہے اور وہ ماعز وغیرہ سے متعلق اس اعتراف کی حقیقت سمجھ چکے ہوں۔ پھر جناب نبی اکرم (صلی اللہ علیہ وآلہ وسلم) نے ان کے اس معلوم کرلینے کے بعد ان کو اس انداز سے خطاب فرمایا (ان کو اس موقعہ پر دہرانے کی ضرورت نہ تھی) اس ایک اثر کے علاوہ دیگر بہت سے آثار پائے جاتے ہیں جن میں اعتراف کا قابل اعتبار طریق جو حد کو لازم کرتا ہے وہ ذکر کیا گیا ہے۔
نمبر 1: ایک مرتبہ اعتراف زنا سے حد لازم ہوجاتی ہے اسی قول کو ائمہ ثلاثہ اور حماد بن سلیمان (رح) نے اختیار کیا ہے۔
نمبر 2: علماء کی دوسری جماعت جب تک چار مرتبہ اعتراف بالزنا نہ ہو حد لازم نہیں ہے اس جماعت میں امام سفیان ثوری ‘ ائمہ احناف اور امام احمد (رح) شامل ہیں۔
فریق اوّل کا مؤقف : زنا کے ایک مرتبہ اعتراف کرلینے سے ہی اس پر حد قائم کردی جائے گی اس کی دلیل وہ روایت ہے جس کو انیس (رض) نے روایت کیا ہے۔
امام طحاوی (رح) فرماتے ہیں : بعض علماء کہتے ہیں کہ جس نے ایک مرتبہ زنا کا اعتراف کرلیا اس پر حد زنا قائم کی جائے گی اور انھوں نے حضرت انیس (رض) والی روایت جو پہلے ہم ذکر کر آئے اس کو دلیل میں پیش کیا۔ کہ آپ نے فرمایا۔ اے انیس ! تم صبح اس عورت کے ہاں جاؤ۔ پس اگر وہ اعتراف کرلے تو اس کو سنگسار کر دو ۔
طریق استدلال : فریق اوّل کہتے ہیں کہ یہ روایت اس بات کی دلیل ہے کہ زنا کا ایک مرتبہ اعتراف حد کو لازم کرنے والا ہے۔
فریق ثانی کا مؤقف : زنا کا ایکمرتبہ اعتراف کرنے والے پر حد زنا قائم نہ کی جائے گی جب تک کہ وہ چار مرتبہ اعتراف نہ کرلے۔
فریق اوّل کا جواب : روایت انیس (رض) میں تمہارے قول کی کوئی دلیل نہیں۔ اس کی وجہ یہ ہے کہ یہ عین ممکن ہے کہ انیس (رض) کو اس اعتراف کا اچھی طرح علم ہوچکا ہو جو حد کو لازم کرتا ہے اور وہ ماعز وغیرہ سے متعلق اس اعتراف کی حقیقت سمجھ چکے ہوں۔ پھر جناب نبی اکرم (صلی اللہ علیہ وآلہ وسلم) نے ان کے اس معلوم کرلینے کے بعد ان کو اس انداز سے خطاب فرمایا (ان کو اس موقعہ پر دہرانے کی ضرورت نہ تھی)
اس ایک اثر کے علاوہ دیگر بہت سے آثار پائے جاتے ہیں جن میں اعتراف کا قابل اعتبار طریق جو حد کو لازم کرتا ہے وہ ذکر کیا گیا ہے۔
قابل اعتبار اعتراف کی روایات یہ ہیں :