٤٧٥٦: ابن شداد نے ابو ذر (رض) سے روایت کی ہے کہ ہم جناب رسول اللہ (صلی اللہ علیہ وآلہ وسلم) کے ساتھ حالت سفر میں تھے کہ ایک آدمی آپ کی خدمت میں آیا اور اس نے زنا کا اعتراف کیا آپ نے اس کو چار مرتبہ واپس کردیا پھر آپ اترے اور ہمیں اس کے لیے گڑھا کھودنے کا حکم دیا جو زیادہ لمبا نہ تھا۔ پس آپ (صلی اللہ علیہ وآلہ وسلم) نے اس کے متعلق حکم دیا تو اس کو رجم کردیا گیا۔ پس آپ (صلی اللہ علیہ وآلہ وسلم) غم گین اور پریشان حالت میں وہاں سے روانہ ہوئے ہم چلتے رہے یہاں تک کہ ایک منزل پر اترے تو جناب رسول اللہ (صلی اللہ علیہ وآلہ وسلم) نے مجھے فرمایا اے ابو ذر ! کیا تم نے اپنے ساتھی کی طرف دیکھا اسے بخش دیا گیا اور جنت میں داخل کردیا گیا۔
تخریج : مسند احمد ٥؍١٧٩۔