٤٧٧٥: عمرو اسلمی نے اپنے والد سے نقل کیا کہ مجھے عمر (رض) نے قبیلہ سعد بن ہذیم کے ہاں زکوۃ کی وصولی کے لیے بھیجا تو حضرت حمزہ بن عمرو (رض) مال لے کر آئے تاکہ اس کی زکوۃ ادا کریں تو انھوں نے دیکھا کہ ایک آدمی اپنی بیوی سے کہہ رہا تھا کہ اپنے غلام کے مال کا صدقہ دو اور اس کی بیوی کہہ رہی تھی کہ تم اپنے بیٹے کے مال کا صدقہ دو ۔ حضرت حمزہ نے ان دونوں سے ان کی گفتگو اور معاملہ کے متعلق دریافت کیا تو ان کو بتلایا گیا کہ اس شخص نے اس عورت (بیوی) کی لونڈی سے زنا کیا ہے اور اس سے ایک بچہ پیدا ہوا جس کو اس کی بیوی نے آزاد کردیا۔ لوگوں نے بتلایا کہ یہ مال اس بچے کا ہے جو لونڈی سے پیدا ہوا۔ حضرت حمزہ نے فرمایا میں تجھے تیرے ہی پتھروں سے رجم کروں گا۔ لوگوں نے کہا۔ اللہ تعالیٰ آپ کا بھلا کرے اس کا معاملہ حضرت عمر (رض) کی خدمت میں پیش ہو تو آپ نے اس شخص کو سو کوڑے مارے اور اس کے لیے رجم کی سزا تجویز نہیں فرمائی۔ حضرت حمزہ (رض) نے اس آدمی کا ضامن لیا یہاں تک کہ حضرت عمر (رض) کی خدمت میں حاضر ہوئے اور ان کوڑوں کے متعلق دریافت کیا جنکا تذکرہ ہوا تھا اور رجم کو مناسب خیال نہ کیا گیا۔ تو حضرت عمر (رض) نے اس بات کی تصدیق فرمائی اور فرمایا کہ عذر جاہلیت کی وجہ سے اس سے رجم کو ساقط کیا گیا۔ تو یہ جناب رسول اللہ (صلی اللہ علیہ وآلہ وسلم) کے صحابی حضرت حمزہ بن عمرو (رض) ہیں جن کے خیال میں بیوی کی لونڈی سے زنا کرنے والے شخص کی سزا رجم ہی ہے اور حضرت عمر (رض) نے بھی ان کی بات کی تغلیط نہیں کی بلکہ قیام حد کے سلسلہ میں حمزہ (رض) نے اس آدمی پر اس وقت تک کے لیے ایک وکیل بنایا یہاں تک کہ حضرت عمر (رض) کا حکم آجائے تو یہ بات بھی حضرت علی (رض) اور حضرت نعمان (رض) کی روایات کے موافق ہے۔ پھر روایت حمزہ (رض) میں سو کوڑے مارنے کا تذکرہ موجود ہے تو اصحاب رسول اللہ (صلی اللہ علیہ وآلہ وسلم) کی موجودگی میں یہ فعل بطور تعزیر ہے جو اس شخص پر قائم کی گئی۔ پس یہ بھی اس روایت نعمان (رض) کے مضمون پر دلالت ہے روایت نعمان (رض) میں ہے کہ عورت کی لونڈی سے زنا کرنے پر سو کوڑے مارے گئے۔ تو حضرت عمر (رض) کا مقصود بھی تعزیر ہے اب روایت حمزہ (رض) تمام تر روایت نعمان (رض) عن النبی (صلی اللہ علیہ وآلہ وسلم) کے موافق ہوگئی۔ یہ ہے حضرت سلمہ بن محبق (رض) کی روایت میں جس عمل کا تذکرہ ہے اس کو تو انھوں نے جانا مگر وہ عمل جو اس کا ناسخ تھا جس کو روایت نعمان (رض) میں ذکر کیا گیا اس کا عمل نہ ہوا۔ حضرت عمر ‘ علی ‘ حمزہ بن عمرو (رض) نے اس عمل کو جان لیا اسی لیے انھوں نے اسی کا فتویٰ دیا۔ حضرت علی (رض) نے عبداللہ (رض) کے (سلمہ کی روایت کے مطابق) فیصلے کا انکار کیا کہ یہ حکم تو منسوخ ہوچکا ہے۔
نوٹ : تو یہ جناب رسول اللہ (صلی اللہ علیہ وآلہ وسلم) کے صحابی حضرت حمزہ بن عمرو (رض) ہیں جن کے خیال میں بیوی کی لونڈی سے زنا کرنے والے شخص کی سزا رجم ہی ہے اور حضرت عمر (رض) نے بھی ان کی بات کی تغلیظ نہیں کی۔ بلکہ قیام حد کے سلسلہ میں حمزہ (رض) نے اس آدمی پر اس وقت تک کے لیے ایک وکیل بنایا یہاں تک کہ حضرت عمر (رض) کا حکم آجائے تو یہ بات بھی حضرت علی (رض) اور حضرت نعمان (رض) کی روایات کے موافق ہے۔
پھر روایت حمزہ (رض) میں سو کوڑے مارنے کا تذکرہ موجود ہے تو اصحاب رسول اللہ (صلی اللہ علیہ وآلہ وسلم) کی موجودگی میں یہ فعل بطور تعزیر ہے جو اس شخص پر قائم کی گئی۔ پس یہ بھی اس روایت نعمان (رض) کے مضمون پر دلالت ہے روایت نعمان (رض) میں ہے کہ عورت کی لونڈی سے زنا کرنے پر سو کوڑے مارے گئے۔ تو حضرت عمر (رض) کا مقصود بھی تعزیر ہے اب روایت حمزہ (رض) تمام تر روایت نعمان (رض) عن النبی (صلی اللہ علیہ وآلہ وسلم) کے موافق ہوگئی۔
روایت ابن مسعود (رض) کا جواب : یہ ہے حضرت سلمہ بن حبق (رض) کی روایت میں جس عمل کا تذکرہ ہے اس کو تو انھوں نے جانا مگر وہ عمل جو اس کا ناسخ تھا جس کو روایت نعمان (رض) میں ذکر کیا گیا اس کا عمل نہ ہوا۔
حضرت عمر ‘ علی ‘ حمزہ بن عمرو (رض) نے اس عمل کو جان لیا اسی لیے انھوں نے اسی کا فتویٰ دیا۔