٤٧٧٦: محمد بن سیرین بیان کرتے ہیں کہ حضرت علی (رض) کے سامنے اس آدمی کی حالت بیان کی گئی جو ابن مسعود (رض) کی خدمت میں بیوی سمیت آیا کہ اس نے بیوی کی لونڈی سے زنا کیا ہے تو آپ نے فرمایا کہ اس پر حد نہیں ہے۔ حضرت علی (رض) سنکر فرمانے لگے اگر ابن ام عبد والا آدمی میرے پاس آتا تو میں پتھر سے اس کا سر پھوڑ دیتا۔ ابن ام عبد (رض) کو معلوم نہیں ہوا کہ اس کے بعد کیا پیش آیا ؟ ابن مسعود (رض) کو اس کا علم نہیں ہوا تو علی (رض) کو بتلایا گیا کہ ابن مسعود (رض) نے اس سلسلہ میں ایسے معاملے سے اس بات کو جوڑا ہے جو پہلے تھی ‘ پھر منسوخ ہوگئی مگر ابن مسعود (رض) کو اس نسخ کا علم نہ ہوا اور اس کی دلیل یہ ہے کہ علقمہ (رض) جو حضرت ابن مسعود (رض) کے جلیل القدر شاگردوں سے ہیں۔ انھوں نے ابن مسعود (رض) کے قول کی مخالفت کی اور ان کے مخالف کا قول ذکر کیا گیا۔ روایت علقمہ (رح) یہ ہے۔