٤٧٩٦: حمید بن عبدالرحمن بن عوف نے بیان کیا کہ ایک کلبی آدمی نے جس کو وبرہ کہا جاتا تھا۔ اس نے بتلایا کہ ابوبکر (رض) شراب نوشی کرنے والے کو چالیس کوڑے مارتے اور عمر (رض) بھی اس پر چالیس کوڑے مارتے۔ راوی کہتے ہیں مجھے خالد بن ولید (رض) نے عمر (رض) کی خدمت میں بھیجا چنانچہ میں ان کی خدمت میں آیا اور میں نے کہا اے امیرالمؤمنین ! مجھے خالد (رض) نے بھیجا ہے انھوں نے پوچھا کس لیے بھیجا ہے ؟ میں نے کہا انھوں نے پوچھا ہے کہ لوگ سزا سے ڈرتے ہیں اور شراب نوشی میں منہمک ہوگئے ہیں۔ آپ اس سلسلے میں کیا فرماتے ہیں۔ حضرت عمر (رض) نے اپنے ارد گرد والوں سے دریافت کیا تمہاری کیا رائے ہے۔ حضرت علی (رض) نے فرمایا امیرالمؤمنین ! اسی کوڑے ہیں۔ حضرت عمر (رض) نے اس بات کو قبول فرمایا۔ تو سب سے پہلے خالد بن ولید (رض) نے اسی کوڑے لگائے۔ پھر اس کے بعد حضرت عمر (رض) نے کچھ لوگوں کو کوڑے لگائے۔