٤٧٩٧: روح بن عبادہ نے اسامہ بن زید لیثی سے پھر انھوں نے اپنی اسناد سے اسی طرح روایت نقل کی ہے۔ البتہ یہ فرق ہے فاتیت عمر فوجدت عندہ علیا۔ اس روایت میں غور کرو کہ جب حضرت عمر (رض) نے حضرت علی (رض) سے دریافت کیا تو انھوں نے حدود کی مثال بیان کر کے پھر اس سے اپنی رائے اور اجتہاد سے اس کی سزا نکالی اور اس کی حد مفتری جیسی قرار دی۔ اگر حضرت علی (رض) کے پاس کوئی مقررہ چیز ہوتی جو جناب رسول اللہ (صلی اللہ علیہ وآلہ وسلم) سے منقول ہوتی تو وہ ان کو اس اجتہاد سے مستغنی کرنے والی تھی اور اسی طرح اگر عشرہ مبشرہ (رض) کے پاس اور چیز ہوتی تو پھر علی (رض) سے اس کے خلاف قبول نہ کرتے (پس ثابت ہوا کہ اس میں کوئی مقرر حد نہ تھی تبھی انھوں نے قبول کرلی) کہ میں عمر (رض) کے پاس آیا تو وہاں میں نے علی (رض) اور طلحہ (رض) زبیر (رض) یا عبدالرحمن بن عوف (رض) کو پایا وہ مسجد میں تکیہ لگائے بیٹھے تھے پھر اسی طرح روایت نقل کی جو یونس کی روایت میں ہے۔ البتہ اس میں علی مرتضیٰ (رض) کے کلام میں یہ اضافہ ہے : اذ اسکرہذی واذا ہذی افترٰی وعلی المفتری ثمانون کہ جب نشہ میں ہوتا ہے تو ہذیان بکتا ہے اور افتراء پردازی کرتا ہے اور مفتری پر اسی کوڑے ہیں۔ ان کے ساتھیوں نے ان کی اتباع کی پھر حدیث کو اسی طرح ذکر کیا۔
تخریج : موطا مالک فی الاشربہ ٢۔