٤٧٩٨: ابو عبدالرحمن سلمی نے حضرت علی (رض) سے روایت کی ہے کہ اہل شام کی ایک جماعت نے شراب پی اس وقت ان کے حاکم حضرت یزید بن ابی سفیان (رض) تھے اور ان لوگوں نے کہا یہ حلال ہے اور اس آیت کی تاویل کی : لیس علی الذین آمنوا وعملوا الصالحات جناح فیما طعموا (المائدہ : ٩٣) پس انھوں نے ان کے معاملے کو حضرت عمر (رض) کے پاس لکھ بھیجا ۔ حضرت عمر (رض) نے جواب میں لکھا کہ ان کو میرے پاس بھیج دو ۔ اس سے پہلے کہ تمہارے جانب والے لوگوں کو بگاڑیں۔ پس جب وہ حضرت عمر (رض) کی خدمت میں آئے تو آپ نے ان کے متعلق صحابہ کرام سے مشورہ کیا تو انھوں نے کہا اے امیرالمؤمنین ! ہمارے خیال میں انھوں نے اللہ تعالیٰ پر جھوٹ بولا ہے اور اپنے دین میں اس بات کو جائز قرار دیا ہے جس کی اللہ تعالیٰ نے اجازت نہیں دی۔ پس ان کی گردنیں اڑا دیں۔ اس موقعہ پر حضرت علی (رض) خاموش تھے۔ حضرت عمر (رض) نے پوچھا اے ابوالحسن تم کیا کہتے ہو ؟ انھوں نے کہا میرا خیال یہ ہے کہ ان کو توبہ کرنے کیلئے کہا جائے پھر اگر یہ توبہ کرلیں تو ان پر شراب کی حد اسی کوڑے مارو اور اگر یہ توبہ نہ کریں تو ان کی گردنیں اڑا دیں کیونکہ انھوں نے اللہ تعالیٰ پر جھوٹ بولا ہے اور اپنے دین میں اس چیز کو جائز قرار دیا ہے جس کی اللہ تعالیٰ نے اجازت نہیں دی پس ان کو توبہ کرنے کے لیے کہا گیا تو انھوں نے توبہ کرلی پھر ان کو اسی اسی کوڑے مارے گئے۔ اس روایت میں حضرت عمر (رض) نے حضرت علی (رض) سے ان کی حد کے متعلق پوچھا تو انھوں نے اسی کوڑے بتلائے اور انھوں نے یہ نہیں کہا کہ اگر آپ پسند کریں تو چالیس لگائیں اور اگر پسند کریں تو اسی لگائیں۔ تو یہ بات ابن داناج والی روایت میں جو حضرت علی (رض) سے نقل کی گئی ہے کہ آپ نے فرمایا کہ جناب نبی اکرم (صلی اللہ علیہ وآلہ وسلم) نے چالیس کوڑے لگائے یہ اس کی نفی کر رہی ہے اور یہ بھی ثابت کر رہی ہے کہ یہ بات آپ نے اس کے بعد اختیار کی ہے نیز یہ بھی مروی ہے کہ آپ نے ولید کو جس کوڑے سے حد لگائی وہ دو شاخوں والا تھا تو ایک ضرب دو کا کام دیتی تھیں۔
اس روایت میں حضرت عمر (رض) نے حضرت علی (رض) سے ان کی حد کے متعلق پوچھا تو انھوں نے اسی کوڑے بتلائے اور انھوں نے یہ نہیں کہا کہ اگر آپ پسند کریں تو چالیس لگائیں اور اگر پسند کریں تو اسی لگائیں۔
فریق اوّل کے استدلال کا جواب : تو یہ بات ابن داناج والی روایت میں جو حضرت علی (رض) سے نقل کی گئی موجود ہے کہ آپ نے فرمایا کہ جناب نبی اکرم (صلی اللہ علیہ وآلہ وسلم) نے چالیس کوڑے لگائے یہ اس کی نفی کر رہی ہے اور یہ بھی ثابت کر رہی ہے کہ یہ بات آپ نے اس کے بعد اختیار کی ہے نیز یہ بھی مروی ہے کہ آپ نے ولید کو جس کوڑے سے حد لگائی وہ دو شاخوں والا تھا تو ایک ضرب دو کا کام دیتی تھیں۔ ملاحظہ ہو۔