٤٨٧٥: عروہ نے حضرت عائشہ (رض) سے روایت کی ہے کہ ایک مخزومی عورت لوگوں سے عاریت کے طور پر سامان لے کر پھر انکار کردیتی۔ پس آپ (صلی اللہ علیہ وآلہ وسلم) نے اس کا ہاتھ کاٹ دینے کا حکم فرمایا۔ اس کے عزیز و اقارب اسامہ بن زید (رض) کے پاس آئے ان سے بات کی اور اسامہ (رض) نے ان کے کہنے پر جناب نبی اکرم (صلی اللہ علیہ وآلہ وسلم) سے بات کی تو جناب نبی اکرم (صلی اللہ علیہ وآلہ وسلم) نے اسامہ کو فرمایا تم مجھ سے اللہ تعالیٰ کی حدود میں سے ایک حد کے متعلق بات کرتے ہو۔ پھر جناب نبی اکرم (صلی اللہ علیہ وآلہ وسلم) نے خطبہ دیتے ہوئے فرمایا۔ اے لوگو ! تم سے پہلے لوگ اس لیے ہلاکت کا شکار ہوتے کہ ان میں جب کوئی معزز آدمی چوری کرتا تو وہ اس کو چھوڑ دیتے اور جب کمزور و کم درجہ چوری کرتا تو اس کا ہاتھ کاٹ ڈالتے۔ مجھے اس ذات کی قسم ہے کہ جس کے قبضہ قدرت میں میری جان ہے۔ اگر فاطمہ بنت محمد (صلی اللہ علیہ وآلہ وسلم) چوری کرتی تو میں اس کا ہاتھ بھی کاٹ دیتا۔ چنانچہ مخزومیہ کا ہاتھ کاٹ دیا گیا۔ امام طحاوی (رح) فرماتے ہیں کہ علماء کی ایک جماعت کہتی ہے کہ جس نے کوئی چیز عاریت کے طور پر لی اور پھر اس کا انکار کردیا۔ تو اس کا ہاتھ کاٹ ڈالنا لازم ہے ایسی عاریت ان کے ہاں سرقہ کے مفہوم میں شامل ہے انھوں نے اس روایت کو دلیل بنایا۔ دوسروں نے ان سے اختلاف کرتے ہوئے کہا کہ عاریت کے طور پر سامان لے کر انکار کرنے والے پر قطع ید نہیں ہے البتہ ضمان لیا جائے گا۔ اس روایت کو معمر نے اسی طرح روایت کیا جیسا آپ نے ذکر کیا ہے مگر ان کے علاوہ دیگر روات نے اس روایت میں اضافہ نقل کیا ہے : ان تلک المرۃ التی کانت تسعیرالحلی فلا تردہ ‘ سرقت فقطعہا فیہ رسول اللہ 5 لسرقتہا “ کہ اس عورت کا ہاتھ سرقہ کی وجہ سے کاٹا گیا۔ روایت ملاحظہ ہو۔
تخریج : مسلم فی الحدود ١٠‘ ابو داؤد فی الحدود باب ٤‘ ١٦‘ نسائی فی السارق باب ٥‘ ٦‘ مسند احمد ٦؍١٦٢۔
امام طحاوی (رح) فرماتے ہیں کہ علماء کی ایک جماعت کہتی ہے کہ جس نے کوئی چیز عاریت کے طور پر لی اور پھر اس کا انکار کردیا۔ تو اس کا ہاتھ کاٹ ڈالنا لازم ہے ایسی عاریت ان کے ہاں سرقہ کے مفہوم میں شامل ہے انھوں نے اس روایت کو دلیل بنایا۔
فریق ثانی کا مؤقف و دلیل : عاریت کے طور پر سامان لے کر انکار کرنے والے پر قطع ید نہیں ہے البتہ ضمان لیا جائے گا۔
فریق اوّل کے مؤقف کا جواب : اس روایت کو معمر نے اسی طرح روایت کیا جیسا آپ نے ذکر کیا ہے مگر ان کے علاوہ دیگر روات نے اس روایت میں اضافہ نقل کیا ہے : ان تلک المرأۃ التی کانت تستعیرالحلی فلا تردہ ‘ سرقت فقطعہا فیہ رسول اللہ 5 لسرقتہا “ کہ اس عورت کا ہاتھ سرقہ کی وجہ سے کاٹا گیا۔ روایت ملاحظہ ہو :