٥٠٧٩: حضرت ابو امامہ باہلی (رض) نے حضرت عبادہ بن صامت (رض) سے روایت نقل کی ہے کہ جناب رسول اللہ (صلی اللہ علیہ وآلہ وسلم) بدر کی طرف نکلے پھر دشمن سے مقابلہ ہوگیا۔ جب اللہ تعالیٰ نے دشمن کو شکست دے دی تو مسلمانوں کی ایک جماعت نے کفار کا پیچھا کیا اور ایک جماعت جناب رسول اللہ (صلی اللہ علیہ وآلہ وسلم) کی حفاظت کرنے اور ایک جماعت کفار کے لشکر پر غلبہ پانے اور مال غنیمت جمع کرنے میں مصروف تھی۔ اس روایت سے معلوم ہو رہا ہے کہ جناب رسول اللہ (صلی اللہ علیہ وآلہ وسلم) نے کسی کو فضیلت نہیں دی ‘ نہ ان لوگوں کو جنہوں نے مشرکین کو قتل کیا اور نہ دوسروں کو پس اس سے یہ ثابت ہوگیا کہ مقتول کا سامان قاتل کو دینا لازم نہیں ہاں امام مقرر کر دے تو وہ لڑائی پر ابھارنے کے لیے ایسا کرنا درست ہے۔ اگلی دو روایات اس کی مؤید ہیں۔
تشریح جب دشمن کا لشکر بھاگ گیا اور ان کا پیچھا کرنے والے واپس لوٹ آئے تو انھوں نے کہا یہ غنیمت ہمارے لیے ہوگی کیونکہ اللہ تعالیٰ نے دشمن کو ہماری وجہ سے دور کیا ہے اور بھگایا ہے اور جو لوگ جناب رسول اللہ (صلی اللہ علیہ وآلہ وسلم) کی حفاظت کر رہے تھے انھوں نے کہا تم ہم سے زیادہ حق نہیں رکھتے بلکہ غنیمت تو ہمارے لیے ہے کیونکہ ہم جناب رسول اللہ (صلی اللہ علیہ وآلہ وسلم) کی حفاظت کرتے رہے تاکہ دشمن دھوکا سے آپ پر حملہ نہ کر دے اور جن لوگوں نے دشمن کے لشکر کو قابو میں رکھا اور مال حاصل کیا انھوں نے کہا اللہ کی قسم ! تم لوگ ہم سے زیادہ حق نہیں رکھتے۔ ہم نے مال غنیمت کو اکٹھا کیا اور قبضہ میں رکھا ہے۔ چنانچہ اللہ تعالیٰ نے یہ آیت نازل فرمائی یہ آپ سے غنائم کے متعلق پوچھتے ہیں۔ ” قل الانفال اللہ والرسول “ (الانفال۔ ١) پھر جناب رسول اللہ (صلی اللہ علیہ وآلہ وسلم) نے ان کے مابین مال غنیمت کو کامل طور پر تقسیم کردیا۔
تخریج : مسند احمد ٥؍٣٢٤۔
حاصل روایت : اس روایت سے معلوم ہو رہا ہے کہ جناب رسول اللہ (صلی اللہ علیہ وآلہ وسلم) نے کسی کو فضیلت نہیں ان لوگوں کو جنہوں نے مشرکین کو قتل کیا اور نہ دوسروں کو پس اس سے یہ ثابت ہوگیا کہ مقتول کا سامان قاتل کو دینا لازم نہیں ہاں امام مقرر کر دے تو لڑائی پر ابھارنے کے لیے ایسا کرنا درست ہے۔ اگلی دو روایات اس کی مؤید ہیں۔