٥١٥٠: کردوس بن داؤد تغلبی نے حضرت عمر (رض) سے اسی طرح کی روایت نقل کی ہے۔ ائمہ احناف (رح) نے دارالاسلام میں اسلام لانے والی عورت کے کافر خاوند کے سلسلہ میں حضرت عمر (رض) کے اس قول کی تقلید کی ہے جو مذکورہ روایت میں حضرت عمر (رض) نے اختیار فرمایا اور دارالحرب میں مسلمان ہونے والی عورت کے لیے خاوند کو اسلام لانے کے لیے ایک موقعہ دیا ہے۔ اگر وہ اسلام قبول کرے تو مناسب ہے ورنہ اس کی بیوی اس سے جدا ہوجائے گی۔ یہ اس اسلام کا بدل ہے جو دارالاسلام میں ہونے کی صورت میں اس پر پیش کیا جاتا اور وہ عدت کا وقت گزرنا یا دارالاسلام کی طرف اس کا نکال دیا جانا ہے جس سے وہ مہلت ختم ہو کر جدائی لازم ہوجائے گی۔ ہم اس سلسلہ میں ابن عباس (رض) کی روایت کو اختیار کرتے ہیں کہ اسلام لاتے ہی عورت جدا ہوجائے گی۔