٥١٤٩: داؤد بن کردوس نے بیان کیا کہ ہم میں بنی تغلب کا ایک نصرانی آدمی تھا۔ اس کی بیوی بھی نصرانی تھی وہ اسلام لے آئی اس نے اپنا معاملہ حضرت عمر (رض) کی خدمت میں پیش کیا تو حضرت عمر (رض) نے اس کو فرمایا کیا تو اسلام لاتا ہے ورنہ میں تمہارے مابین تفریق کر دوں گا۔ اس نے جواب دیا میں اس بات کو صرف عربوں کے اس قول سے بچنے کی خاطر چھوڑتا ہوں (اسلام نہیں لاتا) کہ وہ کہیں کہ بیوی کی خاطر اسلام لایا ہے۔ راوی کہتے ہیں کہ حضرت عمر (رض) نے ان کے مابین تفریق کردی۔