٥١٥٨: جبر بن نوف نے حضرت ابو سعیدالخدری (رض) سے روایت کی ہے کہ ہم نے کچھ کافر قید کئے پس ہم نے چاہا کہ ان کو ہم فدیہ میں دیں تو ہم نے جناب نبی اکرم (صلی اللہ علیہ وآلہ وسلم) سے سوال کیا کہ اگر کسی آدمی کے ہاں لونڈی ہو تو وہ حاملہ ہونے کے خطرہ سے اس سے عزل کرسکتا ہے آپ نے فرمایا جو چاہو تم کرو۔ جس کام کا فیصلہ اللہ تعالیٰ نے فرما لیا ہے وہ ہو کر رہے گا خواہ تمہیں ناپسند ہو۔ امام طحاوی فرماتے ہیں کہ ایک جماعت کا قول یہ ہے کہ مسلمانوں کو اہل حرب سے جو مرد یا عورتیں ہاتھ آئیں ان کو ان مسلمان قیدیوں کے فدیہ میں دے دینے میں کوئی حرج نہیں جو کہ مشرکین کی قید میں ہوں۔ ان کی دلیل مندرجہ بالا روایات ہیں۔ اس قول کو امام ابو یوسف (رح) نے اختیار کیا ہے۔ دوسروں نے کہا کہ قیدیوں کو مسلمانوں کے فدیہ میں دینا مکروہ ہے کیونکہ یہ لوگ مسلمانوں کی ملکیت میں آنے پر ذمی بن چکے ہیں تو ذمی بننے کے بعد ان کو حربی بنانا نادرست اور مکروہ ہے۔ انھوں نے کہا کہ ان روایات میں جس فدیہ کا ذکر ہے یہ اس زمانے کی بات ہے جبکہ اہل حرب میں سے جو لوگ مسلمان ہوجاتے تھے وہ بطور فدیہ مشرکین کی طرف لوٹادیئے جاتے تھے تاکہ وہ مسلمان قیدیوں کو مسلمانوں کی طرف واپس کردیں جیسا کہ آپ (صلی اللہ علیہ وآلہ وسلم) نے اہل مکہ سے اس شرط پر صلح فرمائی کہ ان میں سے جو آپ کے پاس مسلمان ہو کر آجائے گا اس کو ان کی طرف واپس لوٹا دیا جائے گا اگرچہ وہ مسلمان ہو۔ جیسا کہ یہ روایات ثابت کر رہی ہیں۔
طحاوی (رح) کا قول : ایک جماعت کا قول یہ ہے کہ مسلمانوں کو اہل حرب سے جو مرد یا عورتیں ہاتھ آئیں ان کو ان مسلمان قیدیوں کے فدیہ میں دے دینے میں کوئی حرج نہیں جو کہ مشرکین کی قید میں ہوں۔ ان کی دلیل مندرجہ بالا روایات ہیں۔ اس قول کو امام ابو یوسف (رح) نے اختیار کیا ہے۔
فریق ثانی کا مؤقف : یہ ہے کہ قیدیوں کو مسلمانوں کے فدیہ میں دینا مکروہ ہے کیونکہ یہ لوگ مسلمانوں کی ملکیت میں آنے پر ذمی بن چکے ہیں تو ذمی بننے کے بعد ان کو حربی بنانا نادرست اور مکروہ ہے۔
فریق اوّل کے استدلال کا جواب : ان روایات میں جس فدیہ کا ذکر ہے یہ اس زمانے کی بات ہے جبکہ اہل حرب میں سے جو لوگ مسلمان ہوجاتے تھے ان کو بطور فدیہ مشرکین کی طرف لوٹ ادیئے جاتے تھے (صلح حدیبیہ کے موقعہ پر) تاکہ وہ مسلمان قیدیوں کو مسلمانوں کی طرف واپس کردیں جیسا کہ آپ (صلی اللہ علیہ وآلہ وسلم) نے اہل مکہ سے اس شرط پر صلح فرمائی کہ ان میں سے جو آپ کے پاس مسلمان ہو کر آجائے گا اس کو ان کی طرف واپس لوٹا دیا جائے گا اگرچہ وہ مسلمان ہو۔ جیسا کہ یہ روایات ثابت کر رہی ہیں۔