٥٢٧٠: سعید بن مسیب اور ابو سلمہ بن عبدالرحمن سے روایت ہے کہ ابوہریرہ (رض) نے فرمایا کہ جناب رسول اللہ (صلی اللہ علیہ وآلہ وسلم) پر جب یہ آیت ” وانذر عشیرتک الاقربین “ نازل ہوئی تو آپ نے فرمایا اے قریش کے گروہ اللہ تعالیٰ سے اپنے نفوس کو خرید لو۔ میں تمہیں اللہ تعالیٰ سے بچانے کے لیے کوئی کام نہ آسکوں گا۔ اے بنی عبد مناف ! تم اپنے نفوس کو اللہ تعالیٰ سے خرید لو۔ میں تمہیں اللہ تعالیٰ سے چھڑانے کے لیے ذرہ بھر کام نہ آؤں گا۔ اے عباس بن عبدالمطلب میں اللہ تعالیٰ سے چھڑانے کے لیے تمہارے کچھ کام نہ آسکوں گا۔ اے صفیہ عمۃ الرسول ! اللہ تعالیٰ کے عذاب سے چھڑانے کے لیے میں تمہارے کچھ کام نہ آسکوں گا۔ اے فاطمہ بنت رسول اللہ ! میں اللہ تعالیٰ سے چھڑانے کے لیے تمہارے کچھ کام نہ آسکوں گا۔
تخریج : بخاری فی الوصایا باب ١١‘ تفسیر سورة ٢٦‘ باب ٢‘ دارمی فی الرقاق باب ٢٣‘ مسند احمد ١؍٢٠٦۔