٥٣١٣: عمیر بن اسحاق کہتے ہیں کہ اللہ کی قسم عبداللہ بن عبداللہ بن امیہ نے مجھے یا لوگوں کو بیان کیا اور میں اس میں موجود تھا وہ کہتے ہیں کہ مجھے عبدالرحمن بن عوف (رض) نے بیان کیا کہ میری طرف حضرت عمر (رض) نے ظہر کے وقت کسی آدمی کو بھیجا جب میں ان کے پاس آیا دروازے پر پہنچا تو میں نے زوردار رونے کی آواز سنی میں نے انا اللہ وانا الیہ راجعونکہا۔ یہ بات امیرالمؤمنین عمر (رض) کو پیش آئی ہے۔ میں داخل ہو کر ان کے پاس پہنچا اور ہاتھ ان پر پڑا تو میں نے کہا امیرالمؤمنین آپ بالکل ٹھیک ہیں۔ آپ نے فرمایا تم نے جو دیکھا اس پر تعجب کیا ؟ میں نے کہا جی ہاں۔ پھر فرمایا۔ اللہ تعالیٰ کے مخاطبات پر اگر سختی سے ہم عمل کریں گے تو تب اپنے سے پہلے ساتھی کے قدم بقدم چل سکیں گے۔ پھر فرمانے لگے ہمارے ساتھ بیٹھو ہم سوچ بچار کرتے ہیں ہم نے اللہ تعالیٰ کی راہ میں جو حقدار ہیں ان کے نام لکھے ہیں ہم نے ازواج مطہرات (رض) اور ان کے علاوہ دوسروں کے نام بھی لکھے ہیں اور جو لوگ اللہ تعالیٰ کی راہ میں حقدار ہیں ان کو چار ہزار ملے گا جبکہ ازواج مطہرات (رض) اور ان کے علاوہ ہیں ان کو ایک ایک ہزار ملا یہاں تک کہ انھوں نے مال کو تقسیم کردیا۔ غور فرمائیں کہ حضرت عمر (رض) اور عبدالرحمن بن عوف (رض) نے حقدار اور بعد کے درجہ والوں کے درمیان برابری برتی اور قرابت رسول اللہ (صلی اللہ علیہ وآلہ وسلم) کی وجہ سے ذوالقربیٰ کو اس طرح شامل نہیں کیا جیسا کہ حقداروں کو ان کے استحقاق کی وجہ سے داخل کیا۔