٥٣١٤: غفرہ کے آزاد کردہ غلام عمر بن عبداللہ (رض) کہتے ہیں کہ جب جناب رسول اللہ (صلی اللہ علیہ وآلہ وسلم) کی وفات ہوگئی اور ابوبکر صدقی (رض) خلیفہ ہوئے تو ان کے پاس بحرین کا مال آیا۔ تو انھوں نے اعلان فرمایا۔ جس آدمی کا جناب رسول اللہ (صلی اللہ علیہ وآلہ وسلم) سے کوئی وعدہ ہو۔ وہ آئے اور لے لے۔ پس حضرت جابر بن عبداللہ (رض) آئے اور کہنے لگے کہ جناب رسول اللہ (صلی اللہ علیہ وآلہ وسلم) نے مجھ سے وعدہ فرمایا تھا کہ جب بحرین کا مال آئے گا تو مجھے اتنا۔ اتنا ۔ اتنا عنایت فرمائیں گے آپ نے تین مرتبہ دونوں ملا کر بھر کر فرمایا۔ ابوبکر (رض) کہنے لگے اپنے ہاتھ سے لے لو۔ انھوں نے اپنے ہاتھ سے لیا تو شمار کرنے پر پانچ سو نکلے انھوں نے فرمایا ان کے ساتھ ایک ہزار اور گن لو۔ پھر انھوں نے جن کے ساتھ جناب رسول اللہ (صلی اللہ علیہ وآلہ وسلم) نے کچھ بھی وعدہ فرمایا تھا ان کو دیا۔ بقیہ مال لوگوں میں تقسیم کردیا۔ ہر آدمی کو بیس بیس درہم ملے پھر بھی مال میں سے کچھ بچ گیا۔ تو اسی طرح عمر (رض) کے قول فہی لھؤلاء۔ سے ذوالقربیٰ کے حصہ کا اس وقت تک کے لیے باقی رہنا لازم نہیں آتا جس میں اس کے متعلق وہ کہا گیا جو کہا گیا۔ حضرت مالک بن اوس کی یہ روایت عبداللہ بن عباس (رض) کی اس روایت کے جو ذوی القربیٰ کے حصہ سے متعلق ہے یہ روایت مخالف اور معارض ہے اور صحیح معارض ہے۔ (پس اس پر اعتراض باطل ہوا) ذرا غور تو کرو کہ حضرت ابوبکر (رض) نے لوگوں کے درمیان مال کو برابر تقسیم کیا اور جناب رسول اللہ (صلی اللہ علیہ وآلہ وسلم) کے قرابتداروں کو دوسروں سے مقدم نہ کیا ان کے لیے اس مال میں ایسا حصہ مقرر نہیں کیا جس کی وجہ سے وہ دوسروں سے امتیاز والے ہوں اس سے یہ ثابت ہوا کہ حضرت ابوبکر صدیق (رض) جناب نبی اکرم (صلی اللہ علیہ وآلہ وسلم) کے وصال کے بعد آپ کے قرابت داروں کے لیے مال فئی میں صرف وہی حصہ خیال کرتے تھے جو وہ غیر قرابت داروں کو دیتے تھے۔ پھر حضرت عمر (رض) کو جب حکومت ملی تو انھوں نے صحابہ کرام میں درجات کے لحاظ سے فضیلت دینا مناسب خیال کیا تو انھوں نے بھی اہل قرابت کے لیے کوئی ایسا حصہ مقرر نہیں کیا جس کی وجہ سے انھیں دوسرے لوگوں پر برتری حاصل ہو بلکہ انھوں نے ان کو اور باقی لوگوں کو برابر رکھا اور ان کے مابین صرف مراتب کے لحاظ سے فضیلت کو قائم کیا نہ کہ جس کے وہ قرابت کے لحاظ سے حقدار تھے اگر ان کا کوئی مقررہ حصہ ہوتا تو وہ ضرور قائم کرتے۔ کہ ذوی القربیٰ کا حصہ وفات رسول اللہ (صلی اللہ علیہ وآلہ وسلم) سے مرتفع ہوگیا جیسا کہ روایت عمر (رض) بھی اس پر دلالت کرتی ہے۔ اس روایت میں حضرت عمر (رض) نے آیت واعلموا انما غنمتم الایہ تلاوت فرمائی پھر فرمایا یہ غنیمت ان لوگوں کے لیے ہے۔ اس سے یہ بات ثابت ہوگئی کہ ذوی القربیٰ کا حصہ ان کے ہاں جناب رسول اللہ (صلی اللہ علیہ وآلہ وسلم) کی وفات کے بعد بھی ثابت تھا۔ جیسا کہ آپ کی حیات مبارکہ میں ثابت تھا۔ تو یہ ابن عباس (رض) بتلا رہے ہیں کہ حضرت عمر (رض) نے ذوی القربیٰ کا حصہ ان کو دینے سے انکار فرمایا کیونکہ ان کے نزدیک یہ ان حضرات کا حق نہ بنتا تھا تو اس بات کے ہوتے ہوئے پھر یہ دعویٰ مالک بن اوس (رض) کی روایت سے کس طرح کیا جاسکتا ہے کہ وہ وفات رسول اللہ (صلی اللہ علیہ وآلہ وسلم) کے بعد اس حصے کے قائل تھے۔ بلکہ اس روایت سے تو یہ بات ثابت ہوتی ہے کہ یہ حصہ ان لوگوں کے لیے ہے یعنی جب اللہ تعالیٰ نے یہ آیت جناب رسول اللہ (صلی اللہ علیہ وآلہ وسلم) پر نازل فرمائی تو اس وقت یہ ان کا حصہ تھا جیسا کہ اللہ تعالیٰ نے ان کے لیے مقرر فرمایا۔ جس طرح کہ جناب رسول اللہ (صلی اللہ علیہ وآلہ وسلم) کے حصہ کی اضافت آپ کی طرف فرمانے کا معنی بھی یہی ہے کہ وہ آپ کی حیات مبارکہ میں اور آپ کی وفات کے بعد بھی آپ کے لیے نہ تھا بلکہ آپ کی زندگی میں تو جاری تھا مگر وفات شریفہ سے منقطع ہوگیا بالکل اسی طرح جو کچھ آپ کے قرابت داروں کی طرف منسوب ہوا وہ بھی آپ کی حیات طیبہ میں آپ کی وفات طیبہ سے یہ حصہ مرتفع (ختم) ہوگیا۔ انھوں نے لوگوں کو مخاطب کر کے فرمایا کچھ مال بچ گیا ہے تمہارے لیے کچھ لوگ مقدم ہیں جو تمہارے لیے کام کرتے اور مشقت اٹھاتے ہیں اگر تم پسند کرتے ہو تو ہم ان کو دے دیتے ہیں پس ان کو پانچ پانچ درہم عنایت فرمائے۔ آپ سے کہا گیا اے خلیفہ رسول اللہ (صلی اللہ علیہ وآلہ وسلم) اگر آپ مہاجرین و انصار کو ان کی فضیلت کی وجہ سے زیادہ دیتے تو مناسب تھا۔ آپ نے فرمایا ان کے اجر اللہ تعالیٰ کے ذمہ ہیں یہ تو غنائم ہیں ان میں ترجیح کی بنسبت برابری افضل ہے۔ پھر جب حضرت ابوبکر (رض) کی وفات ہوگئی اور حضرت عمر (رض) خلیفہ بنے اور ان کے ہاتھوں خوب فتوحات ہوئیں اور ان کے پاس اس سے زیادہ اموال آئے تو انھوں نے فرمایا اس مال کے متعلق ایک حضرت ابوبکر (رض) کی رائے تھی اور ایک میری رائے ہے۔ حضرت ابوبکر (رض) کی رائے برابر تقسیم کی تھی اور میری رائے یہ ہے کہ میں مہاجرین و انصار کو فضیلت دوں اور ان کو جنہوں نے جناب رسول اللہ (صلی اللہ علیہ وآلہ وسلم) کے خلاف لڑائی کے (زمانہ کفر میں) ان کی طرح قرار نہ دوں جنہوں نے آپ کے ساتھ مل کر (ہمیشہ کفر کے خلاف) لڑائی کی۔ پس آپ نے مہاجرین و انصار کو فضیلت دی بدریین کو پانچ ہزار اور جو ان کے ساتھ اسلام لائے مگر بدر میں حاضر نہیں ہوئے ان کے لیے چار ہزار اور دیگر لوگوں کو ان کے اسلام اور مراتب کے مطابق دیا۔ اور ازواج نبی (صلی اللہ علیہ وآلہ وسلم) کے لیے بارہ ہزار مقرر کیا یہ مقدار تمام کے لیے یکساں رکھی مگر صفیہ اور جویریہ (رض) کی طرف چھ ہزار بھیجا انھوں نے لینے سے انکار کیا تو آپ نے فرمایا میں نے ہجرت کی وجہ سے مقرر کیا۔ دونوں نے کہا تم نے جناب رسول اللہ (صلی اللہ علیہ وآلہ وسلم) کے ساتھ تعلق کی وجہ سے ان کے لیے مقرر کیا ہے اور ہمارا مرتبہ بھی بحیثیت زوجہ ان کے ساتھ برابر ہے۔ حضرت عمر (رض) اس کو سمجھ گئے اور ان کا حصہ برابر کردیا۔ جناب رسول اللہ (صلی اللہ علیہ وآلہ وسلم) سے قرابت کی وجہ سے حضرت عباس بن عبدالمطلب (رض) کے لیے بارہ ہزار مقرر فرمائے اور اپنے لیے پانچ ہزار مقرر فرمائے حضرت علی (رض) کے لیے بھی پانچ ہزار مقرر کئے اور بعض اوقات زائد بھی دیئے حضرت حسن و حسین (رض) کے لیے بھی پانچ پانچ ہزار مقرر فرمائے۔ قرابت کی وجہ سے ان دنوں حضرات کو ان کے والد کے ساتھ ملا دیا حضرت اسامہ بن زید (رض) کے لیے چار ہزار اور عبداللہ بن عمر (رض) کے لیے تین ہزار مقرر فرمائے۔ انھوں نے گزارش کی کہ آپ نے کس وجہ سے انھیں مجھ سے زیادہ دیا ان کے والد کو آپ کی طرح فضیلت حاصل نہیں اور انھیں مجھ سے بڑھ کر فضیلت نہیں۔ حضرت عمر (رض) فرمانے لگے جناب رسول اللہ (صلی اللہ علیہ وآلہ وسلم) کو ان کے والد تمہارے والد سے زیادہ محبوب تھے۔ انصار و مہاجرین کے بچوں کے لیے دو دو ہزار مقرر فرمائے۔ عمر بن ابی سلمہ (رض) وہاں سے گزرے تو آپ نے فرمایا اے غلام ! ان کو کچھ زیادہ دے دو اس پر محمد بن عبداللہ بن جحش (رض) نے عرض کیا آپ نے ان کو مجھ سے زیادہ کس وجہ سے دیئے تو فرمایا ان کے والد کو اللہ کی قسم ! ہمارے آباؤاجداد سے زیادہ فضیلت حاصل نہیں ہے آپ نے فرمایا میں نے حضرت ابو سلمہ کے لیے تو دو ہزار مقرر کئے ہیں اور حضرت امّ سلمیٰ (رض) کی وجہ سے ایک ہزار کا اضافہ کیا ہے۔ اگر تمہاری ماں بھی حضرت امّ سلمہ (رض) جیسی ہوتی تو میں تمہیں بھی ایک ہزار زائد دیتا۔ اہل مکہ کے لیے ان کے احترام و اعزاز میں آٹھ سو مقرر کیا پھر ان کو ان کے مرتبے کے مابق عنایت فرمایا حضرت عثمان بن عبداللہ بن عثمان بن عمرو کے لیے آٹھ سو مقرر فرمائے جبکہ نضر بن انس (رض) کے لیے دو ہزار۔ اس پر حضرت طلحہ بن عبیداللہ نے عرض کیا کہ آپ کے پاس حضرت عثمان بن عمرو (رض) کا بیٹا آیا (اور دادا کی طرف نسبت بتلائی) تو آپ نے اس کو آٹھ سو دیئے اور انصار کا ایک سست آدمی آیا تو آپ نے اس کے لیے دو ہزار مقرر کردیئے۔ آپ نے فرمایا میں نے غزوہ احد کے دن اس کے باپ سے ملاقات کی تو اس نے مجھ سے جناب رسول اللہ (صلی اللہ علیہ وآلہ وسلم) کے متعلق دریافت کیا میں نے کہا میرا خیال ہے کہ آپ شہید ہوگئے ہیں چنانچہ اس نے تلوار لے کر اس کا پرتلہ توڑ ڈالا اور کہا جناب رسول اللہ (صلی اللہ علیہ وآلہ وسلم) اگر شہید ہوگئے تو خدا تو زندہ ہے اسے موت نہ آئے گی اور لڑتے رہے یہاں تک کہ شہید ہوگئے اور یہ شخص مکہ میں بکریاں چراتا رہا تمہارا کیا خیال ہے کہ میں ان کو برابر کر دوں۔ راوی کہتے ہیں کہ حضرت اپنے دور خلافت میں اسی پر عمل پیرا رہے یہاں تک کہ جب آخری سال آیا جس میں جام شہادت نوش کیا ٢٣ ھ کو تو آپ نے حج کیا بعض لوگوں نے کہا اگر امیرالمؤمنین وفات پاجائیں تو ہم فلاں فلاں کی بیعت کرلیں گے۔ حضرت ابو معشر راوی کہتے ہیں ان کی مراد حضرت طلحہ بن عبیداللہ تھے جب عمر (رض) مدینہ منورہ واپس لوٹے تو آپ نے خطبہ دیا اور اپنے خطبہ میں فرمایا۔ اس مال کے متعلق ایک رائے حضرت ابوبکر (رض) کی تھی کہ ان کے مابین برابر تقسیم کیا جائے اور میری رائے یہ تھی کہ مہاجرین و انصار کو ان کی فضیلت کے باعث ترجیح دوں اگر میں اس سال زندہ رہا تو میں حضرت ابوبکر (رض) کی رائے کی طرف رجوع کروں گا ان کی رائے میری رائے سے بہتر ہے۔ ذرا غور تو کرو کہ حضرت ابوبکر (رض) نے لوگوں کے درمیان مال کو برابر تقسیم کیا اور جناب رسول اللہ (صلی اللہ علیہ وآلہ وسلم) کے قرابتداروں کو دوسروں سے مقدم نہ کیا ان کے لیے اس مال میں ایسا حصہ مقرر نہیں کیا جس کی وجہ سے وہ دوسروں سے امتیاز والے ہوں اس سے یہ ثابت ہوا کہ حضرت ابوبکر صدیق (رض) جناب نبی اکرم (صلی اللہ علیہ وآلہ وسلم) کے وصال کے بعد آپ کے قرابت داروں کے لیے مال فئی میں صرف وہی حصہ خیال کرتے تھے وہ جو غیر قرابت داروں کو دیتے تھے۔ پھر حضرت عمر (رض) کو جب حکومت ملی تو انھوں نے صحابہ کرام میں درجات کے لحاظ سے فضیلت دینا مناسب خیال کیا تو انھوں نے بھی اہل قرابت کے لیے کوئی ایسا حصہ مقرر نہیں کیا جس کی وجہ سے انھیں دوسرے لوگوں پر برتری حاصل ہو بلکہ انھوں نے ان کو اور باقی لوگوں کو برابر رکھا اور ان کے مابین صرف مراتب کے لحاظ سے فضیلت کو قائم کیا نہ کہ جس کے وہ قرابت کے لحاظ سے حقدار تھے اگر ان کا کوئی مقررہ حصہ ہوتا تو وہ ضرور قائم کرتے۔
حاصل روایت : کہ ذوی القربیٰ کا حصہ وفات رسول اللہ (صلی اللہ علیہ وآلہ وسلم) سے مرتفع ہوگیا جیسا کہ روایت عمر (رض) بھی اس پر دلالت کرتی ہے۔